Alaksandr Łukašenka ŭ intervju Dźmitryju Kisialovu zajaviŭ, što nie vyklučanaje praviadzieńnie daterminovych prezidenckich vybaraŭ paśla pryniaćcia abnoŭlenaj Kanstytucyi.
«Jany mohuć maksimum adbycca ŭ termin, ale, mahčyma, buduć i daterminovyja vybary … na padstavie, što prezident tak vyrašyć, ci ŭ pierachodnych pałažeńniach Kanstytucyi buduć zamacavanyja inšyja terminy vybaraŭ», — skazaŭ Łukašenka.
Pry hetym jon usumniŭsia ŭ mahčymaści taho, što prezidenckija vybary adbuducca ŭžo nastupnym letam. «Nie. Nie, heta budzie bačna. Nam da prezidenckich vybaraŭ try hady prykładna-čatyry», — zaŭvažyŭ Łukašenka.
Taksama jon skazaŭ, što refierendum pa kanstytucyi moža prajści ŭ 20-ch čysłach lutaha.
«Zaraz my jaje [prajekt kanstytucyi] apublikujem, kala miesiaca. Ja dumaju, što tydni dva. A ŭ lutym u 20-ch prykładna čysłach (jašče padumajem, jak nam zručniej, i pa zakonie, pa ciapierašniaj Kanstytucyi jość terminy ŭniasieńnia na refierendum) Kanstytucyja budzie ŭniesienaja mnoju na refierendum», — skazaŭ jon.
Adkazvajučy na ŭdakładniajučaje pytańnie, ci adbudziecca refierendum u lutym, Alaksandr Łukašenka skazaŭ: «Kali nie pačniecca vajna. Hospadzi, nie daj boh».
Litoviec Vitalijus Mockus zaniaŭ pasadu Stryžaka ŭ «Bajsole». Chto heta taki?34
Kamientary