Łukašenka źvierniecca z Pasłańniem da naroda i Nacyjanalnaha schoda 28 studzienia. A što nakont 27 studzienia?
Alaksandr Łukašenka źvierniecca z Pasłańniem da biełaruskaha naroda i Nacyjanalnaha schoda ŭ piatnicu, 28 studzienia. Raniej mierkavałasia, što heta budzie 27 studzienia.
Mierapryjemstva projdzie ŭ Pałacy Respubliki, pavodle pres-sakratarki Natalli Ejsmant, «kab maksimalna pašyryć koła zaprošanych». Toje, kab zvarot Łukašenki prahučaŭ mienavita ŭ Pałacy Respubliki, a nie ŭ Domie uradu, pavodle Ejsmant, było «inicyjatyvaj ź miescaŭ». Kab pasłuchać zvarot, jak i ŭ minuły raz, pryjedzie «aktyŭ» z usioj krainy.
Pasłańnie budzie tranślavacca pa nacyjanalnych kanałach i pa radyjo ŭ pramym efiry.
Raniej mierkavałasia, što zvarot Łukašenki adbudziecca 27 studzienia, bo na hety dzień jon sklikaŭ pazačarhovuju siesiju Pałaty pradstaŭnikoŭ.
Ale tam buduć razhladać zakonaprajekty.
U pieršym čytańni zakanadaŭcy majuć namier razhledzieć zakonaprajekt «Ab asnovach sistemy prafiłaktyki bieznahladnaści i pravaparušeńniaŭ niepaŭnaletnich».
U druhim čytańni — prajekt Zakona «Ab źmianieńni zakonaŭ pa pytańniach dziejnaści Kitajska-Biełaruskaha industryjalnaha parka «Vialiki kamień».
Taksama deputaty razhledziać prajekt Zakona ab ratyfikacyi pratakoła ab uniasieńni źmianieńniaŭ u Dahavor ab procidziejańni lehalizacyi (admyvańniu) dachodaŭ, atrymanych złačynnym šlacham, i finansavańniu teraryzmu pry pieramiaščeńni najaŭnych hrašovych srodkaŭ i (abo) hrašovych instrumientaŭ praz mytnuju miažu Mytnaha sajuza ad 19 śniežnia 2011 hoda».
Akramia taho, parłamientaryi płanujuć abmierkavać pytańnie ab dziejnaści Pałaty pradstaŭnikoŭ Nacyjanalnaha schodu Respubliki Biełaruś u pieryjad padrychtoŭki i praviadzieńnia respublikanskaha refierendumu.
Navošta było źbirać deputataŭ na 27 studzienia, nieviadoma.
Litoviec Vitalijus Mockus zaniaŭ pasadu Stryžaka ŭ «Bajsole». Chto heta taki?34
Kamientary