Kultura

Kazki ad Malavanyča, multy i «Kałychanka». Što pahladzieć pra dziciačym Jutub-kanale «Bejbus» 

Pra zabaŭlalny i navučalny YouTube-kanał dla dziaciej raskazvaje adzin ź jaho stvaralnikaŭ — Alaksandr Ždanovič.

Jon zhadvaje, jak usio pačynałasia:

«Kali stvarali kanał, abjavili konkurs dla dzietak, kab jany prysłali nam svaje malunki piersanaža Bejbusa, jak jany jaho bačać. Pryjšło vielmi šmat paštovak z usiaho śvietu. Vyrašyli dasłać u adkaz kožnamu dzicia adkaz ad Malavanyča. Byŭ vielmi vialiki rezanans. Z takoha cudu ŭ nas usio i pačałosia».

Paśla stali davać dziciačyja vieršy palitviaźni i redaktara «Našaj Nivy» Andreja Skurko, jaki piša ich dla svajho syna.

«Raniej jany drukavalisia ŭ dziciačych časopisach, ale, na žal, časopisy zakrylisia. I ludzi źviarnulisia da nas z prapanovaj pačać vydavać vieršy ŭ nas na kanale. Pakolki my jutub-kanał, vyrašyli rabić nie prosta audyjozapisy, a multvieršy. Ahučvajuć ich narodnyja artysty Biełarusi Zoja Biełachvościk, Alaksandr Padabied, Viktar Manajeŭ, a taksama Alena Zuj-Vajciachoŭskaja», — kaža Alaksandr Ždanovič.

U prajekcie jość niekalki mastačak. Adna robić ilustracyi, druhaja animacyju. 

«Samaje chvalujučaje z hetaha ŭsiaho toje, jak čakaŭ multvieršyk syn Andreja Skurko. Jon słuchaŭ ich pa dziesiać razoŭ. Robim heta z dumkaj pra toje, što budzie, kali vyjdzie Andrej i heta ŭsio pačuje. Heta dobraja padtrymka». 

U YouTube ažyŭ i komiks «Aściarožna: dzieci!». Heta viasiołyja i pačuvalnyja pryhody adnoj kampanii siabroŭ — Cima, Mary, sabaki Haza i kata Tormaza.

Prajekt «Viasioły sadok» prydumali ludzi, jakija raniej pracavali ŭ «Kałychancy» na BT. Taksama na kanale zrabili svaju «Kałychanku».

«Zrazumieli, što nam nie chapaje paśla kazki-pieśni, jakaja zvyčajna jość u kałychankach. Abvieścili konkurs na tekst. Nam dasłała jaho Hanna Sieviaryniec. Jaje baćka, jaki niadaŭna pajšoŭ z žyćcia, napisaŭ kałychanku dla jaje ŭ dziacinstvie. My pračytali i zrazumieli, što heta toje, što nam treba». 

Zaraz aŭtary kanała abmiarkoŭvajuć novyja prajekty. U ich jany chočuć źviarnuć uvahu na historyju našaj krainy, hieahrafiju, mastactva».

Čytajcie taksama: 

Uładzimir Niaklajeŭ pryśviaciŭ vierš Mahdalenie Daškievič

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Daviedalisia, jak žyvie Siarhiej «Chłopatnaje dzielca» Mironaŭ6

Daviedalisia, jak žyvie Siarhiej «Chłopatnaje dzielca» Mironaŭ

Usie naviny →
Usie naviny

Skandynavija pryciahvaje biełarusa: dalnabojščyk raskazaŭ ab pracy ŭ krai vikinhaŭ2

«Matroškami ŭžo nie ździviš». U Rasii zaklikali stvaryć svoj anałah Łabubu3

Viadučaja «Marafonu adzinstva» ŭ padtrymku Łukašenki adpačyvała ŭ Łatvii27

Na poŭnačy Bresta praciahvaje śmiardzieć, ułady zaklikajuć «nie panikavać»2

Sa Šviecyi departujuć jašče adnu biełaruskuju siamju11

Pad Bychavam adkryli pomnik archieałahičnaj znachodcy 1960 hoda. Jon padobny da nadmahilla

Va Ukrainie pad upłyvam pratestaŭ viartajuć niezaležnaść antykarupcyjnym orhanam8

U Miorach padletak pradavaŭ parnahrafiju, vykarystaŭšy numar susieda

Bieraściejec pieratvaryŭ siamitonny vałun u kamiennuju vannu5

bolš čytanych navin
bolš łajkanych navin

Daviedalisia, jak žyvie Siarhiej «Chłopatnaje dzielca» Mironaŭ6

Daviedalisia, jak žyvie Siarhiej «Chłopatnaje dzielca» Mironaŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić