Polskija ŭłady vykazali pratest suprać apahańvańnia polskich mohiłak u Biełarusi
MZS Polščy vypuściła zajavu, u jakoj vykazała zaniepakojenaść «apahańvańniem miescaŭ polskaj nacyjanalnaj pamiaci, što ŭsio čaściej adbyvajecca ŭ Biełarusi».
Pavodle zajavy, u asnoŭnym hetyja vypadki adbyvajucca na terytoryi Hrodzienskaj vobłaści, dzie znachodzicca kala 550 miescaŭ spačynu polskich žaŭnieraŭ, udzielnikaŭ narodnych paŭstańniaŭ i abaroncaŭ Hrodna.
Za apošni čas nieviadomyja spustošyli polskija nadmahilli i pomniki ŭ Bahdanach, Babrovičach, Dyndyliškach, Iŭi, Ašmianach, Jodkievičach, havorycca ŭ zajavie.
«My rašuča asudžajem stvareńnie miascovymi ŭładami atmaśfiery zhody na takuju praktyku. Im spryjaje paklopnickaja antypolskaja kampanija, jakuju viaduć biełaruskija ŚMI. My źviartajemsia da biełaruskich uładaŭ z prośbaj nieadkładna spynić akty vandalizmu na mohiłkach, vyjavić i pryciahnuć da adkaznaści vinavatych. Polšča rašuča patrabuje šanavać mahiły i ŭšanavać pamiać pamierłych. Hetaje pytańnie, zhodna ź mižnarodnymi standartami, pavinna być całkam vyklučanaje ź ciapierašnich palityčnych sprečak», — piša polskaje MZS.
Učora stała viadoma pra vandalizm na mahile bajca Armii Krajovaj pad Bierastavicaj. Miascovyja žychary zaŭvažyli, što mahiłu raskapali, a ŭłady zajavili, što i sam pomnik prybiaruć.
Ciapier čytajuć
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia4
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary