Zdaroŭje66

Na śpinie, žyvacie ci na baku? Navukoŭcy nazvali najlepšyja pozy dla snu

Hłyboki i spakojny son maje vialikaje značeńnie dla našaha samaadčuvańnia. Ale ci viedajecie vy, što i vaša poza padčas snu maje značeńnie? Voś što kaža navuka.

Fota: pixabay.com

Mała chto śpić u adnoj pozie ŭsiu noč. Hetaj temie było pryśviečanaje daśledavańnie, u jakim udzielničali 664 čałavieki. U siarednim 54% usiaho času snu jany lažali na boku, 37% — na śpinie i 7% — na žyvacie. Pozu padčas snu čaściej źmianiali mužčyny, asabliva maładziejšyja za 35 hadoŭ, piša onet.pl.

Niama vysakajakasnych daśledavańniaŭ, jakija dakazvali b, što adny pozy dla snu lepšyja za inšyja. Toje, jakoje pałažeńnie vybrać vam, zaležyć ad vašaha ŭzrostu, vahi, taho, što znachodzicca navokał vas, vašaha ŭzroŭniu aktyŭnaści i taho, ci ciažarnyja vy. Samaje hałoŭnaje — znajści tuju pozu, u jakoj vy dobra vyśpiciesia i, kali majecie niejkuju chvarobu, nie budziecie adčuvać bolu.

Ale ž akazvajecca, što ŭ niekatorych situacyjach jość lepšyja pozy dla snu, a jość takija, jakich lepš paźbiahać.

Vybirajem pozu dla snu

Son na pravym baku moža być drennym vybaram dla ludziej z chvorym straŭnikam, bo takaja poza spryjaje refluksu — zakidvańniu źmieściva straŭnika ŭ stravavod. Straŭnik znachodzicca źleva, tamu, kali vy śpicie na levym baku, bolš imavierna, što źmieściva straŭnika pad uździejańniem siły ciažaru zastaniecca na miescy. Bo refluks uźnikaje, kali źmieściva straŭnika zakidvajecca nazad u stravavod, u vyniku źjaŭlajecca adčuvańnie, nibyta ŭnutry niešta piače — piakotka.

Son na levym baku, u svaju čarhu, moža vyklikać ciažkaści z dychańniem, asabliva ŭ ludziej, jakija majuć apnoe snu. Jość daśledavańnie 2011 hoda, padčas jakoha navukoŭcy vyśviatlali, jakaja poza dla snu vyklikaje ŭ ludziej z apnoe bolš prablem. Vyjaviłasia: son na pravym baku źnižaje častatu vypadkaŭ apnoe ŭ ludziej ź siaredniaj i ciažkaj stupieńniu.

Jašče adno daśledavańnie, ale zroblenaje ŭžo ŭ 2018 hodzie, vyśviatlała suviaź pozy dla snu i stanu serca. Zhodna ź im, ludzi z sardečnaj niedastatkovaściu čaściej śpiać na pravym baku. Vierahodna, heta abarončy miechanizm, jaki dapamahaje im palepšyć pracu serca, chacia naŭrad ci hetyja ludzi pra heta zdahadvajucca.

Dakładna viadoma, što son na žyvacie vyklikaje našmat bolšaje pavyšeńnie ŭnutryvočnaha cisku, čym son na baku. Taki stan pavyšaje, ŭ pryvatnaści, ryzyku hłaŭkomy i niejrapatyi zrokavaha niervu.

Taksama nie sakret, što son tvaram da paduški drenna ŭpłyvaje na skuru. Kali vy pryciskajeciesia tvaram da paduški, skura skručvajecca, raściahvajecca i zmorščvajecca, i ŭsio heta spryjaje źjaŭleńniu marščyn. Lepšy sposab paźbiehnuć hetaha — spać na śpinie, ale, ź inšaha boku, son u hetaj pozie moža vyklikać prablemy z dychańniem.

Ci karysna spać u škarpetkach? Doktar nie sumniajecca

Čatyry sposaby padtrymać imunnuju sistemu pierad chałodnym siezonam

Navukova abhruntavanyja stratehii, jakija sapraŭdy dapamohuć vam jeści mienš

Kamientary6

  • 123456
    19.10.2022
    Poka ty śpiš - vrah kačajetsia
  • daviedka
    20.10.2022
    V dietstvie voobŝie nie moh dažie ležať na śpinie iz-za niekoho diskomforta so storony natrienirovannoho života.
  • chch
    20.10.2022
    i ŭsio heta zastałosia ŭ dziacinstvie?)

Ciapier čytajuć

«Fardo bolš niama». ZŠA nanieśli ŭdary pa jadziernych abjektach u Iranie27

«Fardo bolš niama». ZŠA nanieśli ŭdary pa jadziernych abjektach u Iranie

Usie naviny →
Usie naviny

Pucin zapatrabavaŭ ad Ukrainy pryznać «refierendumy» na akupavanych terytoryjach i admovicca ad ustupleńnia ŭ «lubyja zamiežnyja sajuzy»3

U Hłybokim pa «narodnym» artykule asudzili krajaznaŭcu i daśledčyka carkoŭnaha žyćcia1

Udzielniki Schodu nieabyjakavych stali śpinaj da Franaka Viačorki52

«Značyć, ja šmat dobraha zrabiła». Za što rasijskuju vałanciorku Nadzin Hiejśler, jakaja dapamahała ŭkraincam, pryhavaryli da 22 hadoŭ kałonii4

Kaśpiarovič pamior try dni tamu, ale cieła znajšli tolki ciapier5

U Minsku prajšoŭ vialiki vypuskny FOTAREPARTAŽ8

Kiraŭnik paleścinskaha padraździaleńnia KVIR zabity ŭ kvatery ŭ Iranie

«Napisała CEO — praz dva dni vydalili z usich sistem». Biełaruska 3 hady navučałasia na kursach EPAM, ale tak i nie atrymała pracu24

Bujnoha minskaha biznesmiena, jaki zajmaŭsia vyrabami sa škła, pasadzili za palityku

bolš čytanych navin
bolš łajkanych navin

«Fardo bolš niama». ZŠA nanieśli ŭdary pa jadziernych abjektach u Iranie27

«Fardo bolš niama». ZŠA nanieśli ŭdary pa jadziernych abjektach u Iranie

Hałoŭnaje
Usie naviny →

Zaŭvaha:

 

 

 

 

Zakryć Paviedamić