«Ustojlivaje ŭražańnie, što fufło». Ekśpiert u bieśpiłotnikach raskazaŭ pra «kanstruktarski cud», jakim pachvaliłasia prapahanda
«Bieśpiłotny avijacyjny kompleks całkam našaj raspracoŭki i vytvorčaści», — adtaratoryła prapahanda pad fota Łukašenki na fonie pamarančavaha bieśpiłotnika. Błohiery adrazu ž złavili jaje na słovie, znajšoŭšy kitajski ruchavik. Ale abaznanyja ekśpierty ŭ bieśpiłotnaj avijacyi patłumačyli «Našaj Nivie», što toj samy «Miratvorac» pryhodny chiba što dla trenirovak SPA.
Pakazany Łukašenku dron nazyvajecca «Miratvorac». Charaktarystyki adrazu paznačanyja na stendzie pad im.
«Mocnaje ŭražańnie, što niejkaje fufło. Ale vyhladaje pryhoža», — skazaŭ abaznany ŭ dronach ekśpiert, hlanuŭšy na hetyja charaktarystyki.
«45 chvilin palotu? Heta što? Jak dla raźviedčyka — vielmi mała aŭtanomnaści, jak dla ŭdarnaha bieśpiłotnika — vielmi mała moža nieści bajavoj nahruzki, i nie zusim jasna, kudy jaje čaplać. BiełTA taksama pakazała fota hetaha cudu techniki ź inšaha rakursu, i voś tut kančatkova ŭsio stanovicca na svaje miescy», — kaža ekśpiert.
Bačna, što ŭ hetaha bieśpiłotnika niama aptyčnych sistem, a značyć, ni za čym špijonić jon nie moža. Jość sumnievy, što jon moža nieści taksama rakiety. A reaktyŭny ruchavik vydaje abo trenirovačnuju madel, zdolnuju simulavać niejkija inšyja latajučyja abjekty, abo dron-kamikadze.
«Uličvajučy vializnaje vizualnaje padabienstva hetaha «Miratvorca» ź mišeńniu «Bierkut-BM», zdajecca, što heta abo adzin i toj ža dron, abo što heta byłaja mišeń, pieraroblenaja ŭ kamikadze, — dadaŭ surazmoŭca. — Na karyść hetaj viersii havoryć fraza ab zdolnaści «naviadzieńnia pa kaardynatach», što možna rasšyfravać jak toje, što hetaja reč moža być vypuščanaja pa stacyjanarnym abjekcie».
Siońnia Łukašenka taksama chvaliŭsia, što Biełaruś — lidar u śviecie pa vytvorčaści bieśpiłotnikaŭ, a popyt na ich vielmi vialiki.
Raniej «Naša Niva» ŭžo raskazvała historyju stvareńnia ŭdarnych biełaruskich bieśpiłotnikaŭ u kalidorach dziaržaŭnaha «Ahata» i na hrošy Minabarony.
Mierkavałasia, što budzie niešta kštałtu «Bajraktara», ale raspracoŭku, jakaja atrymałasia, zamoŭca admoviŭsia prymać.
«Nie skazać, kab zusim nie lotała, ale na bolšaje, čym pałochać varon, nie nadavałasia», — kazaŭ «Našaj Nivie» abaznany ŭ hetym pytańni vajskoviec.
U vyniku «Ahat» pravioŭ fiejeryčnuju «kamiercyjalizacyju» praduktu, pradpisanuju va ŭmovach vydzialeńnia finansavańnia: pry prodažy pakistancam savieckich «Bukaŭ» ahataŭskija bieśpiłotniki padniali ŭ pavietra, kab na ich prademanstravać pracazdolnaść zienitna-rakietnych kompleksaŭ. Za źbityja ŭ chodzie demanstracyi bieśpiłotniki z pakistancaŭ uziali hrošy i, takim čynam, «kamiercyjalizavali» niaŭdały pradukt.
«Naša Niva» — bastyjon biełaruščyny
PADTRYMAĆ-
Brescki hubiernatar prapanuje, kab handlovyja sietki rabili pieradapłatu za jašče nie vyraščanuju harodninu
-
«U mianie svoj prezident, maja žonka prezident». Pra Siarhieja Cichanoŭskaha raskazała jahonaja advakatka Natalla Mackievič
-
Volha Siamaška pryniała rašeńnie prypynić supracu ź biełaruskimi prajektami
Ciapier čytajuć
Biełaruski IT-miljarder Hurski: Maju pieršuju žonku zabiŭ hiembler2
Kamientary