Hramadstva

«Supolnaść čyhunačnikaŭ» paviedamiła, jak i kali ŭ Biełaruś dastaviać rasijskuju jadziernuju zbroju

Pavodle infarmacyi «Supolnaści čyhunačnikaŭ Biełarusi», dastaŭka jadziernaj zbroi i źviazanaha ź joj abstalavańnia na stancyi BČ projdzie ŭ dva etapy.

Pastaŭka ZRK S-400 u Biełaruś. Fota: Minabarony Biełarusi

Pieršy etap abmiežavany červieniem 2023 hoda. Padčas jaho sa stancyj rasijskaj čyhunki na stancyju Prudok (Viciebskaje adździaleńnie BČ) zapłanavana try adpraŭki ahulnaj kolkaściu 16 vahonaŭ.

Hruz u ich, pavodle «Supolnaści čyhunačnikaŭ», paznačany jak «inšyja bojeprypasy dla vajennych met».

Druhi etap dastaŭki jadziernaj zbroi na stancyju Prudok zapłanavany ŭ listapadzie 2023 hoda: čakajeccca try adpraŭki sa stancyj RČ, vahonaŭ z «inšymi bojeprypasami dla vajennych met» taksama budzie 16.

Stancyja Prudok — heta miesca dastaŭki jadziernaj zbroi na terytoryju Biełarusi, adkul budzie pravodzicca jaje dalejšaje pieraraźmierkavańnie da miescaŭ zachoŭvańnia na terytoryjach śpiecyjalnych vajskovych čaściej u zaležnaści ad jaje typu, jak piša supolnaść.

Akramia taho, u pieryjad kastryčnik — listapad 2023 hoda sa stancyj RČ na stancyi BČ zapłanavana ŭ Baranavičy i Łuniniec dastaŭka dapamožnaha i achoŭnaha abstalavańnia, nieabchodnaha pry zachoŭvańni jadziernych bojeprypasaŭ.

Vahony, jakija prybuduć na stancyju Baranavičy-Centralnyja, potym buduć pieradysłakavanyja na terytoryju 61-j źniščalnaj avijabazy VPS Respubliki Biełaruś, u vajskovuju čaść 54804.

Uładzimir Pucin i Alaksandr Łukašenka zajavili, što jadziernaja zbroja častkova dastaŭlenaja na terytoryju našaj krainy. 

U toj ža čas ni manitorynhavaja hrupa «Biełaruski Hajun», ni raźviedki inšych krain, prynamsi, niadaŭna Ukrainy, nie zaŭvažyli ruchu jadziernaj zbroi pa terytoryi Biełarusi. 

Raniej u Biełaruś užo byli adpraŭleny srodki supraćrakietnaj abarony S-400. Pra heta paviedamiła Minabarony Biełarusi. Ešałon z ZRK prybyŭ na terytoryju 25-ha arsienała rakietna-artyleryjskaha ŭzbrajeńnia (v/č 25819) pad Stoŭbcami, jak paviedamlaŭ Motolko.help.

Kamientary

Ciapier čytajuć

Cichanoŭski: Ja ž nie viedaŭ, što ludzi bajacca pakazvać tvary i bajacca za svaich svajakoŭ! Ja nabivaju huzy sam31

Cichanoŭski: Ja ž nie viedaŭ, što ludzi bajacca pakazvać tvary i bajacca za svaich svajakoŭ! Ja nabivaju huzy sam

Usie naviny →
Usie naviny

Pažar u Puchavickim rajonie, dzie zahinuli ŭnučka i babula, byŭ vyklikany padpałam1

Biełarus znajšoŭ redkuju manietu. Za jaje dajuć užo 18 tysiač rubloŭ, ale tarhi praciahvajucca5

22-hadovy kalinoviec Cichan «Franc» Klukač atrymaŭ kantuziju3

25 hadoŭ tamu byŭ vykradzieny teleapieratar Dźmitryj Zavadski1

U Viciebsku asvoili budaŭnictva techničnaha fłota: zrabili ŭłasny ciepłachod4

Dziaŭčyna adkryła ŭ staroj sielskaj škole pad Słuckam retra-muziej5

Źjezd KPRF abviaściŭ pamyłkovym dakład Chruščova pra kult asoby Stalina15

Tramp pra ideju Maska stvaryć treciuju partyju ŭ ZŠA: Całkam «źlacieŭ z katušak»5

U matčy biełaruskaj Pieršaj lihi adbyłasia masavaja bojka VIDEA

bolš čytanych navin
bolš łajkanych navin

Cichanoŭski: Ja ž nie viedaŭ, što ludzi bajacca pakazvać tvary i bajacca za svaich svajakoŭ! Ja nabivaju huzy sam31

Cichanoŭski: Ja ž nie viedaŭ, što ludzi bajacca pakazvać tvary i bajacca za svaich svajakoŭ! Ja nabivaju huzy sam

Hałoŭnaje
Usie naviny →

Zaŭvaha:

 

 

 

 

Zakryć Paviedamić