Žycharku Fanipala asudzili za ŭdzieł u akcyi pratestu ź biełymi kvietkami i šarykami
U sudzie Dziaržynskaha rajona 28 červienia da hoda «chatniaj chimii» asudzili 46-hadovuju Taćcianu Załatar za ŭdzieł z šarykami i kvietkami ŭ akcyi pratestu 14 žniŭnia 2020 hoda ŭ Fanipali.
Spravu razhladała sudździa Taćciana Fiadčuk, a dziaržaŭnaje abvinavačańnie padtrymlivaŭ prakuror Uładzimir Piatrovič, piša «Viasna».
Pavodle viersii abvinavačańnia, Taćciana Załatar 14 žniŭnia 2020 hoda ruchałasia na praciahu doŭhaha času ŭ składzie kałony pa prajeznaj častcy, tym samym błakavała i pieraharodžvała šlach transpartnym srodkam, što «paciahnuła parušeńnie pracy transpartu», plaskała ŭ dałoni i h. d.
Na pracesie Taćciana pryznała vinu całkam. Pieršym pytańniem prakurora ŭ čas dopytu žančyny na sudzie było pra toje, jakich palityčnych pohladaŭ prytrymlivałasia abvinavačvanaja ŭ žniŭni 2020 hoda.
U vyniku prakuror zaprasiŭ dla Załatar paŭtara hoda «chatniaj chimii», ale sudździa pryznačyła na paŭhoda mienšy termin.
Ciapier čytajuć
«Adpraŭlali myć tualety i kidali ŭ ŠIZA». Susiedki raskazali pra abychodžańnie ŭ kałonii z eks-palitźniavolenaj Tamaraj Karavaj, jakaja paśla pamierła33
Kamientary