U Hiermanii spynili kryminalnuju spravu suprać salista Rammstein Cila Lindemana
Raniej jaho padazravali ŭ zhvałtavańniach i złačynstvach, źviazanych z narkotykami.
Prakuratura Bierlina spyniła rasśledavańnie ŭ dačynieńni da Cila Lindemana, salista rok-hurtu Rammstein, jakoha padazravali ŭ złačynstvach seksualnaha charaktaru, a taksama ŭ parušeńni zakona ab narkotykach. Ab hetym paviedamiŭ sam śpiavak sa spasyłkaj na siońniašni pres-reliz prakuratury Bierlina.
Analiz ananimnych danosaŭ na salista ŭ ŚMI i dadatkovych dopytaŭ śviedak nie vyjaviŭ dokazaŭ taho, što Lindeman prymušaŭ žančyn (u tym liku niepaŭnahadovych) zajmacca ź im seksam abo davaŭ im rečyvy, jakija padaŭlali ich volu i zdolnaść da supraciŭleńnia zhvałtavańniu.
U zajavie prakuratury havorycca, što mierkavanyja paciarpiełyja dahetul nie źviartalisia ŭ pravaachoŭnyja orhany, a źviartalisia vyklučna da žurnalistaŭ (heta adbyvałasia i paśla taho, jak publična stała viadoma ab chodzie rasśledavańnia).
«Naprykład, pakazańni śviedki Kajły Šyks, jakaja taksama pierš za ŭsio nie źviarnułasia ŭ palicyju, a vykłała videa z abvinavačańniem u Youtube, na dopytach akazalisia niekankretnymi. Dziaŭčyna nie zmahła apisać svoj ułasny dośvied, a abstaviny, apisanyja joju, ujaŭlali saboj albo vysnovy z nazirańniaŭ, albo joj raskazali pra heta inšyja ludzi», — havoryć bierlinskaja prakuratura.
Što tyčycca incydenta ź inšaj mierkavanaj paciarpiełaj Šełbi Lin, jakaja śćviardžała, što na kancercie ŭ Vilni 22 maja 2023 hoda jana paciarpieła ad seksualizavanaha hvałtu z boku Lindemana, to i tut prakuratura nie vyjaviła nijakich kankretnych faktyčnych dokazaŭ złačynstvaŭ. Nie było vyjaŭlena i nijakich dokazaŭ mahčymaha mižvolnaha ŭžyvańnia narkotykaŭ, abo seksu biez zhody.
Advakaty Cila Lindemana padkreślili, što žančyny, jakija nazyvali siabie achviarami hvałtu, nie padavali zajaŭ suprać frantmena Rammstein. U prakuraturu źviartalisia tolki trecija asoby na padstavie taho, što sami pračytali ŭ ŚMI.
Nahadajem, što raśledavańnie suprać Cila Lindemana pačałosia paśla taho, jak niekalki žančyn u ŚMI abvinavacili jaho ŭ seksualizavanym hvałcie. Tady niekatoryja kampanii, ź jakimi supracoŭničali Rammstein, vyrašyli admovicca ad supracy ź imi, a ŭ miedyja źjavilisia naviny ab tym, što hurt znachodzicca na miažy raspadu.
Sam Cil Lindeman admaŭlaŭ usie abvinavačvańni, a hurt Rammstein zajaviŭ, što stavicca da situacyi vielmi surjozna, adnak sioletniaha turu nie spyniŭ.
Čytajcie jašče:
U Niamieččynie pastavili pomnik salistu Rammstein, ale jaho chutka skrali
«Nie sosčitať už tut v pakietach tieł». Maks Korž prezientavaŭ novuju pieśniu
Ciapier čytajuć
Na kupianskim kirunku zahinuŭ biełaruski dobraachvotnik Alaksiej «Ryžy» Aŭdziej12
Na kupianskim kirunku zahinuŭ biełaruski dobraachvotnik Alaksiej «Ryžy» Aŭdziej
Jak vypadkovaje znajomstva ŭ hiej-kłubie skončyłasia hučnym zabojstvam. Novyja detali pa spravie biełarusa, jaki 25 hadoŭ tamu zarezaŭ pradziusara ŭ Maskvie66
Kamientary