Razbłakavali try jutub-kanały sa Šrajbmanam, Suhak i Čarnucham
YouTube razbłakavaŭ try biełaruskija kanały — «Hadzińničak cikaje», «Mnie taksama nie padabajecca» i «Ministerstva siepultury». Jany trapili pad błakiroŭku 23 žniŭnia.
Adrazu paśla błakiroŭki YouTube pisaŭ, što kanały niedastupnyja praz parušeńnie aŭtarskich pravoŭ. Žurnalist i piśmieńnik, aŭtar knihi «Śvińni» Alaksandr Čarnucha, jaki viadzie kanał «Ministerstva siepultury», paviedamiŭ «Našaj Nivie», što pryčyna błakiroŭki — «čysta techničny momant, navat nie źviazany niepasredna z kanałam», strajk na kanał nie kidali.
Jak atrymałasia damahčysia razbłakiroŭki? «Schiema prostaja: pisali listy ŭvieś hety čas, i ŭ peŭny momant jano spracavała», — raskazvaje Čarnucha.
«Ministerstva siepultury» — kanał, dzie Alaksandr Čarnucha raskazvaje pra biełaruskuju muzyku. Tam vychodzili vypuski pra hurty «Kasijapieja», «Trojca» i «Toples», pra siaścior Hruździevych, Cimu Biełaruskich i biełarusaŭ na Jeŭrabačańni.
Inšyja dva kanały — heta prajekty žurnalistki i byłoj redaktarki vydańnia The Village Belarus (jakoje ciapier nie pracuje) Jaŭhienii Suhak. U «Mnie taksama nie padabajecca» Jaŭhienija razam z zaprošanymi haściami kožny vypusk abmiarkoŭvajuć peŭnuju temu: naprykład, stan biełaruskaha IT, vyzvaleńnie palitviaźniaŭ ci adnosiny pamiž biełarusami i ŭkraincami. U inšym prajekcie, «Hadzińničak cikaje», Suhak razam z Arciomam Šrajbmanam i Ryhoram Astapieniaj abmiarkoŭvajuć apošnija padziei.
«Naša Niva» — bastyjon biełaruščyny
PADTRYMAĆZabłakavali try jutub-kanały — sa Šrajbmanam, Čarnucham i Suhak
«Kunilinhus u kožnuju chatu». Fieministka zapuściła brend adzieńnia pra siłu biełaruskich žančyn
Delehatka KR Karpušonak paśla maŭčańnia apublikavała videa31
Delehatka KR Karpušonak paśla maŭčańnia apublikavała videa
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1616
Kamientary