U Baranavičach pradajuć kaviarniu, raźmieščanuju ŭ marskim kantejniery
Infarmacyju ab prodažy niezvyčajnaj kaviarni apublikavali dniami na papularnaj placoŭcy abjaŭ u Baranavičach, piša miascovy resurs Bar24.
Pamiaškańnie płoščaj 7 kvadratnych mietraŭ całkam dobraŭparadkavana. U abjavie havorycca, što ŭsiaredzinie abjekta całkam raźviedzienyja elektrapravodka i santechnika. Taksama tam zrabili čystavoje azdableńnie.
«Pracoŭnaja zona i fartuch ź nieržaviejki, chaładzilnik. Tumba dla kava-mašyny, šaurma-aparat na 3,5 kV. Ustalavanaja sistema aŭtanomnaj pracy padačy vady na 200 ł i bak dla kanalizacyi na 200 ł (heta dla pracy ŭ palavych umovach)», — havorycca ŭ abjavie.
Uładalnik zapeŭnivaje, što ŭ takoj ustanovie mohuć svabodna pracavać dva supracoŭniki. Taki farmat biznesu, maŭlaŭ, «vielmi papularny za miažoj».
Akramia realnych fota kaviarni, aŭtar abjavy prykłaŭ prajekt, jak jaje možna dapracavać.
Kafe-kantejnier uładalnik acaniŭ u 5200 dalaraŭ u ekvivalencie.
Ciapier čytajuć
«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu61
Kamientary