Prarasijskija aktyvisty sioleta praviaduć pa ŭsioj Biełarusi «Bieśśmiarotny połk» pad prykryćciom rasijskich dypłamataŭ
Staršynia Kaardynacyjnaj rady arhanizacyj rasijskich suajčyńnikaŭ Andrej Hieraščanka ź Viciebka paviedamiŭ, što sioleta prarasijskija siły Biełarusi źbirajucca pravieści na 9 maja šeście «Bieśśmiarotny połk», jakoje ŭ apošniaje dziesiacihodździe niebiespadstaŭna ŭsprymajecca jak demanstracyja mahčymaściaŭ «ruskaha śvietu».
«Bieśśmiarotny połk» budzie praviedzieny ŭ ramkach aficyjnych śviatočnych mierapryjemstvaŭ padčas «Biełaruś pamiataje». Siarod inšaha, u šerahu hetych mierapryjemstvaŭ budzie pravodzicca ŭračysty prachod kałon «Šeście pakaleńniaŭ», i, jak paviedamlaje Hieraščanka,
«u suviazi z ahulnaściu padychodaŭ da zachavańnia pamiaci pra Vialikuju Ajčynnuju vajnu Kaardynacyjnaja rada arhanizacyj rasijskich suajčyńnikaŭ vystupiła z prośbaj da biełaruskich uładaŭ dazvolić rasijskim suajčyńnikam, hramadzianam Rasii i achvotnym biełarusam pravieści ŭ ramkach śviatočnych mierapryjemstvaŭ 9 maja 2024 hoda šeście «Bieśśmiarotny połk» u Minsku, abłasnych centrach i bujnych haradach Respubliki Biełaruś».
Kałona «Bieśśmiarotny połk», jak miarkujecca, budzie iści ŭ składzie kałony «Šeście pakaleńniaŭ», i taki farmat nibyta niadaŭna ŭchvaliŭ Łukašenka na sustrečy z rasijskim pasłom u Biełarusi Barysam Hryzłovym. Dekłarujecca, što siarod inšych u šeściach u Minsku i abłasnych haradach voźmuć udzieł rasijskija dypłamaty.
Pa ŭsich abłaściach pryznačanyja kuratary praviadzieńnia «Bieśśmiarotnaha pałka». Sam Andrej Hieraščanka adkazvaje za Viciebsk i Viciebskuju vobłaść, za Minsk i Minskuju vobłaść — Siarhiej Łušč, za Brest i Bresckuju vobłaść — Śviatłana Śmirnova, za Homiel i Homielskuju vobłaść — Arciom Sakoŭski, za Hrodna i Hrodzienskuju vobłaść — Alaksandr Birukoŭ, za Mahiloŭ i Mahiloŭskuju vobłaść — Vital Arciomčyk.
Šeście «Bieśśmiarotny połk» pravodzicca ŭžo bolš za 10 hadoŭ. Ideja prajści pa vulicach z partretami svajakoŭ-frantavikoŭ upieršyniu źjaviłasia ŭ Tomsku ŭ 2012 hodzie, paśla stała papularnaj, i takija šeści stali prachodzić pa ŭsioj Rasii 9 maja.
Spačatku hetaja akcyja była hramadskaj inicyjatyvaj, ale z 2015 hoda rasijskija ŭłady pačali aktyŭna ŭdzielničać u arhanizacyi «Bieśśmiarotnaha pałka» i zrabili jaho aficyjnym mierapryjemstvam. Ale ŭ minułym hodzie jaho ŭ Rasii admianili ź mierkavańniaŭ biaśpieki, u hetym hodzie paviedamlałasia, što jaho taksama tam nie budzie. A voś pravieści jaho ŭ Biełarusi dla miascovych prarasijskich siłaŭ, dy, vidać, i dla samoha Kramla — sprava pryncypu.
Varta adznačyć, što, niahledziačy na ŭsiu svaju prarasijskaść, Łukašenka i padparadkavanyja jamu čynoŭniki raniej zaŭsiody stavilisia da šeścia «Bieśśmiarotny połk» strymana. Zvyčajna ŭłady nie davali na jaho praviadzieńnie dazvołu, spasyłajučysia na toje, što chopić i mierapryjemstvaŭ, arhanizavanych imi samimi. Zamiest rasijskaj simvoliki jany prapanoŭvali svaju alternatyŭnuju (naprykład, zamiest hieorhijeŭskaj stužki — čyrvona-zialonuju ź jabłynievaj kvietkaj).
Takaja naściarožanaść źviazanaja z tym, što Łukašenka aścierahajecca, kab adkryta prarasijskija siły, kali im dać nadta šmat voli, nie vyjšli z pad jahonaha kantrolu i nie stvaryli pahrozu dla jahonaj adnaasobnaj ułady. Uličvajučy krytyčnuju zaležnaść łukašenkaŭskaha režymu ad Maskvy, zadušyć ich tymi ž mietadami, jak heta było zroblena z demakratyčnaj apazicyjaj, było b vielmi prablematyčna.
Pozna ŭviečary Łukašenka parazmaŭlaŭ jašče i z Džonam Koŭłam. Imavierna, havorka išła pra ŭmovy i terminy vyzvaleńnia palitviaźniaŭ2
Kamientary