U Kalinkavičach pradajuć 34-hadovy Falksvahien Pasat ažno za $10 tysiač. U čym prykoł?
Pradaviec pierakonvaje, što mašyna ŭzimku nie ekspłuatavałasia i nie patrabuje nijakich układańniaŭ.
Aŭtamabil 1990 hoda vypusku acenieny ŭ $10100. Zajaŭleny prabieh — amal 168 tysiač kiłamietraŭ. Pad kapotam u samaha darahoha Passat B3 bienzinavy ruchavik abjomam 1,8 litra, jaki pracuje ŭ pary z 5-stupienčataj miechanikaj.
Miarkujučy pa fota, aŭtamabil sapraŭdy znachodzicca va ŭnikalnym dla svajho ŭzrostu stanie. Ale naŭrad ci možna kazać pra toje, što jon maje niejkuju kalekcyjnuju vartaść, kab niechta byŭ hatovy addać za jaho takija hrošy.
Hety VW Passat navat pa mierkach 1990 hoda maje vielmi ścipłuju kamplektacyju. Sałon z tkaniny, šyby i lusterki majuć miechaničny pryvad. Dy i mator na 90 konskich siłaŭ — adzin z samych prostych u liniejcy.
VW Passat B3 vypuskaŭsia z 1988 pa 1993 hady. Madel ličycca adnoj z samych narodnych za ŭsiu historyju Biełarusi. Biełarusy ceniać Passat B3 za prastatu, nadziejnaść, ekanamičnaść. Asobnuju luboŭ zavajavali ŭniviersały — žychary pryhraničča acanili nie tolki prastorny bahažnik, ale i bak na 100 litraŭ.
Ciapier čytajuć
U Mahilovie złavili mańjaka-lifciora, jaki ŭ 1990‑ia zhvałtavaŭ i zabiŭ vosiem dziaŭčat9
U Mahilovie złavili mańjaka-lifciora, jaki ŭ 1990‑ia zhvałtavaŭ i zabiŭ vosiem dziaŭčat
«Biełarusy nahadvajuć čałavieka z tryvožnym razładam». Paet Vital Ryžkoŭ pra zvańnie seks-simvała paezii, batł z Najdzionavym, Karža i Cichanoŭskuju1919
Kamientary