BT źbirajecca zapuścić jašče adzin kanał — z prapahandaj na anhlijskaj movie
«Pieršy infarmacyjny» tolki zapuściŭsia, a ŭ Ivana Ejsmanta ŭžo novyja napaleonaŭskija płany.
Biełteleradyjokampanija źbirajecca zapuścić jašče adzin kanał — hetym razam na anhlijskaj movie, raskazaŭ kiraŭnik BTRK Ivan Ejsmant.
Prajekt moža być realizavany na bazie «Biełaruś 24» — spadarožnikavaha kanała, jaki byŭ stvorany dla viaščańnia za miažu, — piša Tochka.by.
«My ŭ hetym kirunku tolki pačali ruchacca: adkryćcio na bazie «Biełaruś 24» anhłamoŭnaha telekanała, [u płanach] adaptavać toj hramadska-palityčny materyjał, jaki ŭ nas jość. Ciapier sučasnyja technałohii dazvalajuć heta vielmi chutka rabić», — zajaviŭ Ejsmant.
«Biełaruś 24» tranśluje navinavyja błoki i salanku ź dziaržaŭnaj prapahandy ź inšych kanałaŭ. Častka vypuskaŭ navin na «Biełaruś 24» maje infarmacyjnyja radki na anhlijskaj i polskaj movach, ale Ejsmant choča stvaryć paŭnavartasnaje anhłamoŭnaje viaščańnie.
«Rabić naviny na anhlijskaj movie i tady telekanał padymać praz spadarožnik na ŭvieś astatni śviet — heta było b razumna», — ličyć kiraŭnik BHTRK. Kankretnych terminaŭ zapusku novaha kanała jon, praŭda, nie nazyvaje.
17 vieraśnia BT zapuściła «Pieršy infarmacyjny». Jaho efirnuju sietku, akramia navinavych vypuskaŭ, zapoŭnili prahramami ź inšych telekanałaŭ BTRK.
Hałyhina prymusili apraŭdvacca za zvarot da siłavikoŭ u 2020-m17
Hałyhina prymusili apraŭdvacca za zvarot da siłavikoŭ u 2020-m
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary
Hladzicie biełaruskija nacyjanalnyja prajekty. Pra Kastusia Kalinoŭskaha naprykład.
https://m.youtube.com/watch?v=HV4g6089x1M