Tradycyja pamiłavańnia prezidentam ZŠA indyčak napiaredadni Dnia padziaki ŭpieršyniu ŭźnikła ŭ 1947 hodzie pry Hary Trumenie.
Prezident Džo Bajden pamiłavaŭ dźviuch indyčak pa imieni Pič (Piersik) i Błosam (Kvietka), pazbaviŭšy ich ad doli stać častkaj śviatočnaha stała na Dzień padziaki, što budzie adznačacca ŭ čaćvier, piša Hołas Amieryki.
Heta štohadovaja tradycyja stała apošniaj dla demakrataŭ, prynamsi na bližejšyja čatyry hady, u Biełym domie.
Indyčki, pamiłavanyja sioleta, nazvanyja ŭ honar aficyjnaj kvietki štata Dełaver, jakaja simvalizuje stojkaść, raspavioŭ Bajden haściam, jakija sabralisia na paŭdniovym łužku Biełaha doma.
«Heta padzieja simvalizuje aficyjny pačatak śviatočnaha siezonu tut, u Vašynhtonie. Heta taksama apošni dla mianie raz, u jakaści prezidenta, kab vykazać padziaku. Tamu dazvolcie mnie skazać vam: heta byŭ honar usiaho majho žyćcia, i ja biaskonca ŭdziačny», — skazaŭ Bajden.
Vytoki ciapierašniaj tradycyi pamiłavańnia indyčak uzychodziać da prezidenctva Hary Trumena ŭ 1947 hodzie. Aficyjnaja tradycyja pačałasia ŭ 1989 hodzie ŭ Biełym domie, kali tahačasny prezident Džordž Buš-starejšy ŭpieršyniu aficyjna pamiłavaŭ indyčku na Dzień padziaki.
U čaćvier miljony indyčak buduć zapiečanyja ŭ duchoŭkach pa ŭsioj krainie, bahata palityja sousam i padadzienyja z roznymi harnirami, uklučajučy takija śviatočnyja stravy, jak śpiecyjalnaje chlebnaje načyńnie, bulba, žuravinavy sous i zapiakanka ź zialonaj fasoli.
Ciapier čytajuć
Maštabny zboj u troch biełaruskich bankach: z rachunkaŭ źnikajuć hrošy6
Kamientary
Jak i koń i błycha pačali hałasavać - niedapiečanyja pirahi ichich vybaraŭ to harełku zabaroniać, to kotyki, a indyčak, ježu, miłujuć.
Viadoma ž indyčak nie svaich, ŭ prezydenta niama svajho ničoha. Padatkapłacielnik jašče i haduj za svaje hrošy charčovuju ptušku pieratvoranuju pamiłavańniem na škodnika.
Tak mała, panastvarali hetyja prezydenty miłavalniki ježy kamunistyčnych bajavych listkoŭ na ŭsim śviecie, panaźbirali tudy liśliŭcaŭ biudžetnych, i tyja nachvalajuć vialikasernaść hałoŭnych biurakrataŭ ŭ suviazi z pamiłavańniem indyčki.
N.B. Kamunisty-vehanisty, ciešusia z vami razam, bo spadar Bajden Stary inšuju indyčku iźjeść, a nie pamiłavanuju
Ale połavy i majomasny chacia ž dali ZŠA burchlivaje raźvićcio XIX stahodździa