U navahodniuju noč zhubiŭsia sabaka Mai Sandu — uciok, spužaŭšysia fiejervierkaŭ
Trochłapy sabaka błukaŭ u centry Kišyniova.
Sabaka prezidenta Małdovy Mai Sandu pa mianušcy Kodruc zhubiŭsia ŭ navahodniuju noč, spałochaŭšysia fiejervierkaŭ, piša vydańnie NewsMaker.
Ranicaj 1 studzienia Kodruca zaŭvažyli ŭ centry Kišyniova. Abjavu pra spałochanaha sabaku bieź piaredniaj łapy apublikavali ŭ sacsietkach.
Na fatahrafii mnohija paznali Kodruca. Paśla hetaha sabaku złavili i viarnuli Administracyi Sandu.
Pres-sakratar prezidenta Ihar Zacharaŭ paćvierdziŭ infarmacyju ab źniknieńni sabaki. «Siońnia ranicaj z našym darahim siabram Kodrucam adbyŭsia niepryjemny vypadak. Hučnyja fiejervierki napałochali jaho, i ŭ panicy jon vybieh z dvara Administracyi prezidenta», — raskazaŭ jon i dadaŭ, što viadomaha na ŭsiu krainu sabaku chutka znajšli i ciapier jon doma.
Pierš čym trapić da Sandu, Kodruc byŭ biazdomnym sabakam. Jaho znajšli paśla taho, jak jaho źbiła mašyna — tady Kodruc i zastaŭsia biez łapy.
Kodruc staŭ viadomy paśla incydentam z prezidentam Aŭstryi Alaksanderam Van der Bielenam — sabaka ŭkusiŭ jaho za ruku padčas sustrečy ŭ Kišyniovie z Majaj Sandu.
Ciapier čytajuć
Kamientary