Hramadstva1313

«Tranzit moža adbycca tolki pad Kolu». Łatuška prapanuje ŭvažliva sačyć za karjeraj małodšaha syna Łukašenki

U novym vypusku TOKu palityk Pavieł Łatuška raskazaŭ, jak, na jaho pohlad, adbudziecca źmiena ŭłady ŭ Biełarusi.

Łatuška zhadaŭ historyju, jakuju jamu raskazaŭ «adzin były prezident zachodniejeŭrapiejskaj krainy» padčas asabistaj sustrečy ŭ 2023 hodzie.

«Padčas hetaj sustrečy my abmiarkoŭvali Łukašenku. I jon skazaŭ, što ŭ jaho była hutarka ź im jašče da 2020 hoda. (…) Jon (Łukašenka — NN) jamu kaža na ty: «Słuchaj, ja tak stamiŭsia ad hetaj pasady». U adkaz jamu hety były prezident kaža: «Saša, pahladzi na mianie. Nu voś ja były prezident. I navat biez hetaj pasady jość žyćcio. Jano narmalnaje, cudoŭnaje. Možna žyć. Navošta stolki hadoŭ trymacca za ŭładu».

Jon adkazvaje: «Tak, ja, chiba, z taboj pahadžusia. Ale ja nie zmahu pakinuć hetu pasadu, pakul nie pieradam hetuju ŭładu svajmu synu». I prahučała imia — Mikałaj».

Łatuška adznačaje, što zaŭsiody admaŭlaŭ viersiju ab tym, što Łukašenka rychtuje mienavita Kolu na pasadu prezidenta, bo pa źmienienaj Kanstytucyi ŭzrost dla kandydata na hetu pasadu — 40 hadoŭ. Kali Kolu budzie 40, to Łukašenku — 90.

«Ale heta dyktatar. I ź inšaha boku, kožny skaža: što za prablema, jon pierapiša hetuju Kanstytucyju. Jon moža navat pastavić [uzrost kandydata na] 25 hadoŭ», — zaŭvažaje palityk.

Kola Łukašenka padčas vizitu ŭ Manholiju, červień 2024. Skrynšot videa: pul_1 / Telegram

Jon prapanuje ŭvažliva sačyć za raźvićciom karjery Koli — jakuju pasadu jon atrymaje paśla zakančeńnia ŭniviersiteta.

«Ci stanie, naprykład, jon deputatam parłamienta, ci niejkim ministram, namieśnikam ministra, albo vice-premjeram, jak heta było ŭ historyi — jak mnie padajecca — Turkmienistana.

Voś kali jon pojdzie na dziaržaŭnyja pasady, heta budzie adnaznačny sihnał, što jon rychtuje syna na toje, kab jon staŭ prezidentam krainy».

Łatuška nahadvaje, što prapahandyst Ihar Tur vykazvaŭ prapanovu vybirać prezidenta Usiebiełaruskim narodnym schodam:

«I voś budzie baćka — staršynia Usiebiełaruskaha narodnaha schodu, jaki ŭžo atrymaŭ psieŭdalehitymnaść praz vybary, (…) i tudy ŭkidvajecca takaja kandydatura. I Usiebiełaruski narodny schod padymie ručki. (…) Ale tolki kali stan zdaroŭja Łukašenki budzie nastolki drenny».

Padčas razmovy Łatuška taksama prapanavaŭ ujavić situacyju, kali Łukašenki niama.

«Adrazu premjer Hałoŭčanka pačnie razmaŭlać inakš. (…) Inakš budzie razmaŭlać Ryžankoŭ (kali detektar projdzie zaraz). Inakš budzie vieści siabie pieršy vice-premjer Snapkoŭ, taja ž Piatkievič», — davodzić palityk.

Łatuška pierakanany, što vysokija čynoŭniki źjaŭlajucca prychilnikami zachavańnia biełaruskaj dziaržavy. Prablemu jon bačyć u «hienierałach, jakich kuplaje Rasija».

«Šmat prychodzić infarmacyi ab tym, što ich pastajanna zaprašajuć u Rasiju na adpačynak».

Siarod takich prarasijskich hienierałaŭ Łatuška nazyvaje Karpiankova, Valfoviča, Muraviejku.

Na pohlad Łatuški, Łukašenka nie budzie rychtavać nijakaha palityčnaha zaviaščańnia, bo «budzie dumać, što jon budzie da apošniaha momantu».

«Adzinaje, kali jaho stan zdaroŭja budzie nastolki ciažki, što jon nie zmoža chadzić i jaho treba budzie vyvozić na narady. Jon moža pierajści na hetuju pasadu [staršyni Usiebiełaruskaha narodnaha schodu]. Ale tady jon pieradaść uładu tolki toj asobie, jakoj jon vielmi mocna daviaraje. Hetaj asobaj moža być tolki syn».

Kamientary13

  • "A kak žie ja? Vied́ ja žie łučšie. Łučšie.." (S)
    30.01.2025
    Hetaj asobaj moža być tolki syn».
    🐾
    a jak ža... "Priedańniejšij, nadiežnyj čiełoviek. Ludi nie mohut, navierno, byť takimi priedannymi, kak sobaki.", - łukašienko pro Umku
  • y
    30.01.2025
    na fota hladžu... na śpinki kresłaŭ... bčb
  • zzz
    30.01.2025
    Pavieł Łatuško - politik... Ržunimahu ))))

Ciapier čytajuć

Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos27

Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos

Usie naviny →
Usie naviny

«Śviet źmianiŭsia». U Aŭstryi, jakaja 70 hadoŭ zachoŭvała niejtralitet, zadumalisia pra ŭstupleńnie ŭ NATA2

U Homieli piensijanier vysadziŭ u dvary drevy. Ale ich vierchaviny paabłomvała złaja 90-hadovaja susiedka5

U Biełarusi zabaranili kitajskija telefony. Norma ŭtrymańnia śvincu ŭ ich była pieravyšanaja ŭ 330 razoŭ1

Pahladzicie, jaki miły sabaka pracuje na pamiežnym pierachodzie z Łatvijaj FOTAFAKT

Rasijanie ź vialikimi stratami adstupili z Kandrataŭki Sumskaj vobłaści. Z-kanały ŭ šalenstvie10

U 29 hadoŭ zahinuŭ chakiejny łajnsmien Pavieł Kazłoŭ1

MZS Litvy nie budzie razhladać prapanovu miascovaha deputata ab anulavańni akredytacyi ofisa Cichanoŭskaj5

Žančynu-pulmanołaha z 30-hadovym stažam adpravili ŭ kałoniju pa troch palityčnych artykułach22

Vierahodnaj pryčynaj dla pryjezdu Deruła ŭ Minsk stali zdymki dla rekłamy katedžaŭ

bolš čytanych navin
bolš łajkanych navin

Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos27

Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos

Hałoŭnaje
Usie naviny →

Zaŭvaha:

 

 

 

 

Zakryć Paviedamić