Minskaja fabryka «Kamunarka» ŭžo viasnoj 2025 hoda płanuje vypuścić i prapanavać spažyŭcam šakaładnyja cukierki pa dubajskaj receptury. Tak zvany dubajski šakaład staŭ trendam ŭ kancy 2024 hoda, a jahony niezvyčajny smak dasiahajecca dziakujučy načyńnia z sumiesi kataifa, to-bok tonkaj tureckaj łokšyny, i fistašak.
Jak raskazała namieśnica hałoŭnaha technołaha «Kamunarki» Iryna Adarčanka, na fabrycy hatavać dubajski šakaład buduć uručnuju ź piaci inhredyjentaŭ: ciesta kataifa, fistaškavaj pasty na asnovie biełaha šakaładu, zialonaha čaju matča, masła, i, zrazumieła, małočnaha šakaładu.
«Receptur dubajskaha šakaładu vielizarnaja kolkaść, naš ža varyjant najbolš nabližany da kłasičnaha. Čaściakom toje, što siońnia źjaŭlajecca na rynku, maje vielmi addalenaje staŭleńnie da ŭschodniaha prysmaku, pakolki vykarystoŭvajecca tolki nazva», — zajaŭlaje Iryna Adarčanka.
Dubajski šakaład vytvorčaści biełaruskaj fabryki možna budzie adšukać na palicach kram užo hetaj viasnoj.
Akramia taho, siarod ambicyjnych płanaŭ fabryki i vypusk inšych sałodkich navinak, naprykład, želejnych cukierak z ekzatyčnymi načynkami: kaktus, manha, marakuja, ružovy piersik. Jak zaŭvažajuć na pradpryjemstvie, niezvyčajnyja fruktovyja smaki ŭ šakaładnych cukierkach dobra razychodziacca na rynku, tamu jany i chočuć rabić staŭku ŭ tym liku i na ich.
«Kamunarka» paabiacała vypuścić «dubajskija» cukierki pa aryhinalnym recepcie
«Jak z salonaj karamiellu». Biełarus apublikavaŭ recept papularnaha dubajskaha šakaładu, ale z dranikam
«Heta jak druhoje dzicia». Byłaja madel pierajechała ŭ Iran, a paśla viarnułasia ŭ Biełaruś z šakaładnym biznesam
180 rubloŭ za kiłahram, a smak jak u jełki: zdajecca, znajšlisia samyja darahija cukierki ŭ Minsku
Ciapier čytajuć
Čamu Biełarusbank rezka źniziŭ staŭki pa ipatecy i jak heta paŭpłyvaje na rynak nieruchomaści?3
Čamu Biełarusbank rezka źniziŭ staŭki pa ipatecy i jak heta paŭpłyvaje na rynak nieruchomaści?
«U Viciebsku zachodziŭ u tralejbus i kazaŭ «Słava Ukrainie!». Ukrainca ŭ 67 hadoŭ pasadzili za kamienty, napisanyja paśla hibieli chrosnaj dački pad abstrełam u Kijevie1212
Kamientary