Kantrolna-prapuskny punkt «Paternijeki» ŭ Krasłaŭskim krai ŭ niadzielu byŭ zakryty na niekalki hadzin, kab praduchilić mahčymy niezakonny pierachod miažy.
Dziaržaŭnaja pahraničnaja achova źvierniecca da ŭrada z prośbaj časova častkova zakryć punkt, dazvoliŭšy ŭjezd tolki aŭtamabilam, — zajaviŭ načalnik Dziaržpahransłužby Huncis Pujats, piša Lsm.lv
Pavodle słoŭ Pujatsa, KPP byŭ zakryty na niekalki hadzin u niadzielu paśla taho, jak pamiežniki zaŭvažyli natoŭp ludziej, padobnych na zamiežnikaŭ, jakija chacieli niezakonna pierasiekčy miažu.
Akramia taho, na miažu prybyli čaćviora mihrantaŭ. U chodzie razmovy ź imi stała zrazumieła, što patok moža pavialičycca. Kab praduchilić mahčymuju eskałacyju padziej, punkt propusku byŭ začynieny.
Bližej da poŭnačy ŭ niadzielu praca pahraničnaha punkta była adnoŭlenaja. Mierkavanyja parušalniki pakinuli terytoryju.
Načalnik Dziaržpahransłužby pryznaŭ, što punkt propusku moža być całkam zakryty ŭ budučyni, ale pakul razhladajecca mahčymaść jaho častkovaha zakryćcia.
Pahraničnaja słužba źvierniecca da ŭrada, jaki ŭžo ŭ aŭtorak moža razhledzieć mahčymaść zabarony piešaha i rovarnaha pierasiačeńnia miažy, dazvoliŭšy tolki pierasiačeńnie na aŭtamabilach. Adpaviednaja prapanova rychtujecca dla razhladu Kabinietam ministraŭ užo ŭ paniadziełak. Płanujecca, što KPP budzie zakryty dla takich ludziej na šeść miesiacaŭ.
Kali patok parušalnikaŭ stanie krytyčnym, Dziaržpahransłužba pakidaje za saboj prava paprasić poŭnaha zakryćcia punkta.
Pujats taksama padkreśliŭ, što heta pieršy vypadak, kali pahraničny punkt byŭ zakryty nieadkładna. Raniej byli padobnyja sihnały, i Dziaržaŭnaja pahraničnaja słužba była hatovaja zakryć KPP, ale takoj nieabchodnaści nie ŭźnikała.
«Zaraz vielmi šmat parušalnikaŭ ruchajecca ŭ bok Polščy. My nie vyklučajem, što ŭ niejki momant hetyja patoki mohuć być pieranakiravanyja ŭ Łatviju», — skazaŭ jon.
Ciapier čytajuć
Šasnaccać hradusaŭ. Rasijski karespandent paskardziŭsia, što źmierz u łukašenkaŭskim pałacy20
Šasnaccać hradusaŭ. Rasijski karespandent paskardziŭsia, što źmierz u łukašenkaŭskim pałacy
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami4040
Kamientary