Žychar Pinska amal paŭtara hoda dapamahaŭ ździajśniać ździełki z kryptavalutami, pakul heta nie zaŭvažyła padatkavaja.
Pinčuk vykarystaŭ kryptabiržu, jakaja nie źjaŭlajecca rezidentam PVT i nie zarehistravanaja jak apieratar kryptapłatformy na terytoryi Biełarusi. Mužčyna ździejśniŭ 3792 ździełki pa adčužeńni tokienaŭ. Pavodle materyjałaŭ suda, jon niezakonna zarabiŭ bolš za 2,5 młn rubloŭ.
U Biełarusi ličycca niezakonnaj i zabaronienaja pradprymalnickaja dziejnaść jurydyčnych i fizičnych asob, u tym liku IP, jakija nie źjaŭlajucca rezidentami PVT, pa akazańni pasłuh u ździajśnieńni ździełak z kryptavalutami. Fizičnym asobam, u tym liku IP — rezidentam PVT, zabaroniena pradavać i kuplać kryptavalutu pa-za biełaruskimi kryptabiržami (kryptaabmieńnikami).
Sud pryjšoŭ da vysnovy, što mužčyna zajmaŭsia niezakonnaj pradprymalnickaj dziejnaściu, i pryznačyŭ jamu štraf 2100 rubloŭ z kanfiskacyjaj adnaho adsotka atrymanaha dachodu — 25 547,07 rubla, biez kanfiskacyi pryład i srodkaŭ ździajśnieńnia administracyjnaha pravaparušeńnia.
Pastanova suda nie abskardžana i ŭstupiła ŭ zakonnuju siłu.
Kamientary