Biek i Zinhierys nazvali vybary «farsam» i «čarhovym etapam zaniavoleńnia biełarusaŭ»
Maryłuiza Biek i Emanuelis Zinhierys, jakich nie puścili ŭ Biełaruś dla nazirańnia za parłamienckimi vybarami, dali vybarčaj kampanii svaju acenku.
Deputat bundestaha Maryłuiza Biek nazvała biełaruskija vybary «farsam». «Demakratyčnyja standarty byli parušanyja jašče na pieradvybarnym etapie», — havorycca ŭ jaje zajavie. Deputat, u pryvatnaści, zaznačaje, što pradstaŭniki apazicyi praktyčna nie dapuskalisia ŭ skład vybarčych kamisij, u suviazi z čym niezaležny kantrol padliku hałasoŭ staŭ niemahčymym. Aprača taho, padkreślivaje Biek, na apazicyjnych kandydataŭ u deputaty rabiŭsia nacisk, zatrymlivalisia hramadskija aktyvisty.
Niamiecki deputat upeŭnienaja, što piacidzionnaje daterminovaje hałasavańnie «adkryła ŭsie mahčymaści dla manipulacyj».«Pa viadomaj tradycyi, usich studentaŭ, jakija žyvuć u internatach, i rabočyja kalektyvy prymušali da daterminovaha hałasavańnia. Heta rabiłasia dla taho, kab praduchilić jaŭku nižejšuju za 50%, pry jakoj ličycca, što vybary nie adbylisia», — skazana ŭ zajavie.
Razam z tym, zaznačaje deputat, aktyŭnaść biełaruskich vybarščykaŭ była «nizkaj jak nikoli». «Žorstki razhon apazicyi i ekanamičny kryzis mocna naškodzili režymu. Aprača taho, kanstytucyjny pieravarot Łukašenki ŭ 1996 hodzie pazbaviŭ parłamient usiakaj ułady. Da vybaraŭ maryjanietačnaha parłamienta, jaki tolki i moža, što pahadžacca z Łukašenkam, vielmi mała cikavaści. Tamu režym vielmi niervova reahuje na zakliki da bajkotu vybaraŭ i ŭvodzić na jaho samyja žorstkija sankcyi», — miarkuje Biek.
«Najbolš efiektyŭnym instrumientam dla hetaha stała b admiena viz, tamu što praz abmien niepasrednaha vopytu demakratyčnych supolnaściaŭ Jeŭropy my možam efiektyŭna sadziejničać raźvićciu hramadstva ŭ Biełarusi», — havorycca ŭ zajavie.Jana padkreślivaje, što hramadzianskaja supolnaść Biełarusi, jakaja pakutuje ad represij, maje patrebu ŭ padtrymcy z boku Jeŭrasajuza.
U svaju čarhu kiraŭnik kamiteta pa zamiežnych spravach siejma Litvy Emanuelis Zinhierys nazvaŭ parłamienckija vybary ŭ Biełarusi «čarhovym etapam zaniavoleńnia biełarusaŭ».
«Lehitymnyja vybary pry vyzvaleńni ŭsich palitźniavolenych i dałučeńni ŭsioj biełaruskaj hramadskaści da vybarčaha pracesu adkryli b mahčymaści dla mnohich talenavitych biełarusaŭ, čyj patencyjał zaraz zamkniony, nakiravać svaju enierhiju na vyrašeńnie roznych važnych dla Biełarusi prablem i padjomu kankurentazdolnaści biełaruskaj nacyi ŭ sučasnym śviecie», — skazaŭ jon u intervju «Radyjo Svaboda».
Zinhierys zaklikaŭ biełaruskija ŭłady vypuścić na volu palitźniavolenych, kab «vyzvalić sapraŭdny patencyjał biełaruskaha naroda, sapraŭdnyja talenty, jakija mahli b realizavać demakratyčnuju svabodnuju budučyniu Biełarusi».
Jak raniej paviedamlałasia, Maryłuiza Biek i Emanuelis Zinhierys płanavali ŭ składzie misii karotkaterminovych naziralnikaŭ PA ABSIE prybyć u Biełaruś dla nazirańnia za chodam vybaraŭ. Adnak biełaruskija ŭłady admovili im u vizie. Pry hetym u MZS śćviardžali, što admova ŭ vizach nie źviazana z nazirańniem za vybarami. «Hetyja dva hramadzianiny źjaŭlajucca inšaziemcami, ujezd jakich na terytoryju Respubliki Biełaruś razhladajecca jak niepažadany», — zajaviŭ
Ciapier čytajuć
Što zdaryłasia z vykładčykam BNTU Michaiłam Ščukinym, jaki pamior pry zatrymańni. Viersija milicyi14
Kamientary