U finansavaj sistemie adbyvajucca dramatyčnyja rečy: dziaržbanki pierastali vydavać kredyty
Ministr finansaŭ Charkaviec: «Ni rubla dadatkova na padtrymku likvidnaści bankaŭ urad nie maje namieru ŭnosić».
Tryvohu na pasiedžańni vierchniaj pałaty nacyjanalnaha schodu zabiła dyrektarka Viciebskaj brojlernaj ptuškafabryki Hanna Šarejka. Jana raskazała, što dziaržbanki spynili vydaču kredytaŭ na finansavańnie dziaržprahram i pavysili maržu da staŭki refinansavańnia (30%) da 12–15 pracentavych punktaŭ.
Jak pieradaje karespandent ahienctva
Spn.Šarejka śćviardžaje, što «heta paŭsiudna ŭ apošnija dva dni — kredyty nie dajuć ni «Biełahraprambank», ni «Biełarusbank», ni «Bielinviestbank».
Ź jaje słovaŭ, — a, treba razumieć, vusnami spn.Šarejki pramaŭlaŭ dyrektarski korpus — heta pahražaje stabilnaj pracy pradpryjemstvaŭ, im pryjdziecca zhortvać aktyŭnaść.
Adnak ministr finansaŭ byŭ ćviordy. Jak paviedamlaje «Interfaks»,
Charkaviec zajaviŭ: «Ni rubla dadatkova na padtrymku likvidnaści bankaŭ urad nie maje namieru ŭnosić».Jon patłumačyŭ, što ŭrad za pieršyja 9 miesiacaŭ hoda vydatkavaŭ 6,7 z 7 tryljonaŭ hrošaj, pryznačanych na padtrymku vytvorcaŭ i bolš vydzielić prosta nie maje prava, bo maje abaviazki pierad Antykryzisnym fondam JeŭrAzES.
Ministr pierakanany, što, u vypadku pradastaŭleńnia dziaržbankam zvyšpłanavaj biudžetnaj padtrymki, «nastupstvy buduć šmatkroć ciažejšyja, čym niekredytavańnieadnaho-dvuch ci navat dziasiatka pradpryjemstvaŭ u peŭny pieryjad času».
Što heta za nastupstvy, lohka zdahadacca: dadatkovaje napampoŭvańnie ekanomiki niezabiaśpiečanymi hrašymi i paŭtor devalvacyi minułaha hoda.
Ad siaredziny vieraśnia 2012 h. dziaržaŭnyja banki adčuvajuć vostry deficyt likvidnaści,jaki pryvioŭ da rostu stavak na mižbankaŭskim rynku da ŭzroŭniu bolš za 50% hadavych, i da adnaŭleńnia resursnaj padtrymki dziaržbankaŭ z boku Nacbanka. Inakš u krainie prosta ŭźnik by kryzis niepłaciažoŭ.
Dyrektarat choča novych hrošaj, bo inakš niemahčyma finansavać biahučuju aktyŭnaść pradpryjemstvaŭ. Jakoje vyjście znojduć dziaržaŭnyja orhany, stanie jasna ŭ bližejšyja tydni. Adnak užo siońnia možna z peŭnaściu kanstatavać, što ŭ finansavaj sistemie źjavilisia tryvožnyja napružańni.
Kamientary