Siarod delehataŭ najbolšaj papularnaściu karystajecca dehustacyjny šapik Barysaŭskaha miasakambinata.
Druhi źjezd łukašenskaŭskaha hramadskaha abjadnańnia «Biełaja Ruś» prachodzić 3 listapada ŭ Małoj zale Pałaca Respubliki ŭ Minsku.
U stalicy źjechalisia prykładna 400 delehataŭ z usioj krainy. U ich płanach — padvieści vyniki pracy za 2007–2012 hady, a taksama pryniać novuju redakcyju statuta i prahramu. Pytańnie ab pieraŭtvareńni «Biełaj Rusi» u palityčnuju partyju ŭ paradak dnia źjezda nie ŭklučana.
«Siarod delehataŭ najbolšaj papularnaściu karystajecca dehustacyjny šapik Barysaŭskaha miasakambinata. A žančyny čaściej padychodziać da pryłaŭkach z marožanym i «Słodyčam»», —adznačaje karespandent «Našaj Nivy».
«Biełaja Ruś» abjadnoŭvaje čynoŭnikaŭ, ideałahičnych rabotnikaŭ, «pradstaŭnikoŭ pracoŭnych kalektyvaŭ». Jana budujecca pa tym samym pryncypie, što kiraŭničyja partyi va ŭsich tatalitarnych i aŭtarytarnych dziaržavach.Udzieł u takim abjadnańni — nieabchodnaja ŭmova dla karjery čynoŭnikaŭ.
Adnak abjadnańnie nie maje statusu partyi, bo partyi nie majuć značeńnia ŭ sistemie adzinaasobnaj ułady. Tamu «Biełaja Ruś» isnuje jaje by na budučyniu — na vypadak, kali sistemu tre budzie pierabudavać na ŭzor kiravanaj, dekaratyŭnaj demakratyi.
Uznačalvaje «Biełuju Ruś» pieršy namieśnik kiraŭnika Administracyi prezidenta Alaksandr Radźkoŭ.
Ciapier čytajuć
Kaleha pamierłaha vykładčyka Ščukina: Jaho kinuła žonka ź dziećmi, pačałasia depresija. U vyniku zvolnili za prahuły6
Kamientary