У Следчым камітэце Беларусі расследуюцца тры крымінальныя справы, звязаных з дзейнасцю Кіраўніцтва справаў прэзідэнта.Усе яны знаходзяцца ў вытворчасці Упраўлення СК па Мінску.
Як паведаміла БелаПАН афіцыйны прадстаўнік СК Юлія Ганчарова,
першая справа тычыцца расследавання ў дачыненні да намесніка начальніка галоўнага ўпраўлення па абслугоўванні дыпламатычнага корпуса і афіцыйных дэлегацый «Дыпсэрвіс». Ён падазраецца ў крадзяжы саджанцаў блакітных ялінак.Чыноўнік выбракаваў іх і перадаў трэцяй асобе. Дзеянні намеснік начальніка «Дыпсэрвіса» кваліфікаваныя як крадзеж шляхам злоўжывання службовымі паўнамоцтвамі па частцы 1 артыкула 210 КК. Прычыненую шкоду ацэньваецца больш чым на 1,4 млн рублёў.
Дзве іншыя справы звязаныя з заключэннем дамоваў субпадраду на рэканструкцыю будынка для размяшчэння савета рэспублікі нацыянальнага сходу Беларусі (былая Нацыянальная бібліятэка на вул. Чырвонаармейскай — НН.).Замоўцам работ выступала галоўнае ўпраўленне капітальнага будаўніцтва Кіраўніцтва справаў прэзідэнта.
Абодва злачынствы былі ў тым, што да аплаты прадстаўляліся дакументы, якія ўтрымліваюць альбо відавочнае завышэнне цаны работ, альбо звесткі аб работах, якія наогул не выконваліся.Па першым справа заведзеная за махлярства ў асабліва буйным памеры па частцы 4 артыкула 208 КК, па другім — за службовы падлог па артыкуле 427 КК. Выяўленая на цяперашні момант шкода ў першым выпадку склала 450 млн. рублёў, у другім — 300 млн.
Цяпер вывучаецца дзейнасць суб’ектаў гаспадарання, прызначаныя рэвізіі.
У здзяйсненні злачынстваў падазраюцца кіраўнікі і работнікі фірмаў, што падпісвалі дамовы субпадраду.
У межах расследавання правяраецца версія аб дачыненні да здзяйснення злачынстваў службовых асоб галоўнага ўпраўлення капітальнага будаўніцтва Кіраўніцтва справаў прэзідэнта.
«У Віцебску заходзіў у тралейбус і казаў «Слава Украіне!». Украінца ў 67 гадоў пасадзілі за каменты, напісаныя пасля гібелі хроснай дачкі пад абстрэлам у Кіеве1010
Каментары