Шведскае пасольства адновіць дзейнасць: у Мінск прыедзе часовы павераны
Міністар замежных спраў Швецыі Карл Більт у сваім твітары паведаміў пра хуткае вяртанне шведскіх дыпламатаў у Мінск.
«Пасля пэўных складанасцяў неўзабаве мы зноў накіруем часовага паверанага ў справах кіраваць нашым пасольствам у Мінск (Беларусь). Гэта добра для кожнага», — напісаў Більт.
Закрыццё шведскага пасольства ў Мінску звязана з несанкцыянаваным палётам у Беларусь некалькіх шведскіх грамадзян, якія правялі акцыю ў падтрымку свабоды слова ў Беларусі 4 ліпеня 2012 г.
1 жніўня 2012 г. беларускія ўлады паведамілі Швецыю пра непадаўжэнне акрэдытацыі паслу Стэфану Эрыксану. Дыпламата абвінавацілі ў дэструктыўнай дзейнасці. У адказ на гэта шведскія ўлады заявілі, што не прымуць новага пасла Беларусі, і рэкамендавалі двум супрацоўнікам пасольства пакінуць Стакгольм.
8 жніўня МЗС Беларусі абвясціў пра адкліканне ўсіх супрацоўнікаў беларускага пасольства ў Стакгольме. Шведскаму боку было рэкамендавана прыняць аналагічныя меры і адклікаць усіх сваіх дыпламатаў з Мінска.
«Я першамайскае быдла і ліміта, базару нуль. Але блізкі да цэнтра прыняцця рашэнняў». Што Тур піша пад псеўданімам у «экстрэмісцкім» чаце19
Каментары