Грамадская арганізацыя «Ахова птушак Бацькаўшчыны», якая займаецца праблемамі захавання біяразнастайнасці ў Беларусі, выказала заклапочанасць з нагоды знікнення ласося з беларускіх рэк.
Як растлумачыў дырэктар АПБ Віктар Фянчук, ласось можа трапіць у Беларусь толькі праз Вілію і нераставаць у яе прытоках. У той жа час спецыяліст адзначыў, што рыбіны «гнёзды» рэгіструюцца эколагамі толькі ў
«Ласось паступова знікае з нашых рэк, хоць яшчэ некалькі дзесяцігоддзяў таму ён быў для Беларусі звычайным відам», — адзначыў Фянчук.Паводле яго слоў, для існавання ласося ёсць дзве асноўныя пагрозы — браканьерства і забруджванне рэк сельскагаспадарчымі арганізацыямі. Для заходу рыб у раку могуць існаваць таксама фізічныя бар’еры — плаціны.
Нядаўна спецыялісты АПБ правялі даследаванне ракі Ашмянка, якая з’яўляецца адным з прытокаў Віліі і патэнцыяльна прыдатная для нерасту ласося, аднак рыба па нейкіх прычынах у гэту раку не заходзіць. Высветлілася, што з фермы «Рымдзюны» ў Астравецкім раёне Гродзенскай вобласці ў раку сцякалі арганічныя забруджванні, у Смаргонскім раёне Гродзенскай вобласці быў разараны бераг, а дзейнасць размешчанай на Ашмянцы Рачунскай ГЭС прыводзіць да значных ваганняў узроўню вады, якія таксама ствараюць для ласося некамфортныя ўмовы.
«Ласось прад’яўляе высокія патрабаванні да якасці вады. Калі карпы ў гэтай рацэ могуць жыць, то ласось першым адчувае пагаршэнне якасці вады і перастае заходзіць на нераст», — растлумачыў спецыяліст.Паводле слоў Фенчука, практычна ўсе беларускія рэкі адчуваюць нагрузку з боку сельскай гаспадаркі, а наступствы гэтай нагрузкі можна ўбачыць па тым, што з рэк знікаюць індыкатарныя віды рыб.
Інфармацыю пра выяўленыя парушэнні прыродаахоўнага заканадаўства на Ашмянцы спецыялісты АПБ перадалі ў тэрытарыяльныя органы Міністэрства прыродных рэсурсаў і аховы навакольнага асяроддзя.
Ціханоўская пра мужа: Увесь ягоны свет перакулены21
Каментары