Пра гэта паведаміў карэспандэнту БелТА начальнік службы гідраметэаралагічных прагнозаў рэспубліканскага гідраметэацэнтра Дзмітрый Рабаў.
«У сезонным паніжэнні тэмпературы адбудзецца рэзкі скачок. Сярэднясутачная тэмпература апынецца на 1-3 градусы ніжэй за кліматычную норму, — адзначыў Дзмітрый Рабаў. — З пятніцы ўладу над надвор'ем возьме чарговы халодны антыцыклон, народжаны над Баранцавым морам».
У аўторак яшчэ захаваецца умерана-цёплае надвор'е. Месцамі пройдуць невялікія дажджы. Ноччу чакаецца плюс 6—11, днём — плюс 12—18 градусаў.
У сераду пахаладае.
Прычынай гэтага, па словах сіноптыка, стане халодны антыцыклон. Дзень пройдзе пераважна без ападкаў. Ноччу і раніцай будзе слабы туман. Тэмпература паветра ўначы складзе плюс 1—8 градусаў, месцамі замаразкі да мінус 3. Днём паветра прагрэецца ад 8 да 15 градусаў цяпла.
З чацвярга па нядзелю таксама не будзе ападкаў.
У начныя і ранішнія гадзіны — слабы туман. На большай частцы тэрыторыі ноччу замаразкі ад 0 да мінус 4 градусаў, тэмпература паветра складзе 1—5 градусаў цяпла, месцамі да 6 градусаў. Днём чакаецца плюс 8—15 градусаў.
У цэлым у першыя дзесяць дзён кастрычніка чакаецца халоднае надвор'е.
У сярэднім па краіне тэмпература паветра першай дэкады складае плюс 8,1 градуса.
Цяпер чытаюць
Стаў героем Магілёўскага ўнівера, збіраў фальклор, працаваў на беларусізацыю садкоў — расказваем пра Яўгена Бойку, асуджанага за салідарнасць з палітвязнямі
Каментары