«Яго прывезьлі ў вайсковую частку для далейшай службы. Дактары вырашылі, што ён прыдатны для службы ў войску. Галадоўку Жалезьнічэнка спыніў», — паведаміў Вячаслаў Раменчык.
Маці былога студэнта Ала Жалезьнічэнка паведаміла, што яе сына прывезьлі ў Жлобін яшчэ ўвечары 29 студзеня. «Ён пазваніў, сказаў, што зь ім усё добра», — кажа Ала Жалезьнічэнка.
29 студзеня Зьміцер Жалезьнічэнка казаў журналісту «Радыё Свабода», што яго абяцалі абсьледаваць цягам двух дзён. «Незразумела, куды яны сьпяшаюцца?», — дзівіўся салдат пасьпешлівасьці дактароў, якія прызначылі яму на дзень некалькі рэнтген‑абсьледаваньняў. Гэта быў пяты дзень ягонай галадоўкі пратэсту.
Нагадаем, болей за тыдзень таму актывіста Зьмітра Жалезьнічэнку адлічылі з Гомельскага дзяржаўнага ўнівэрсытэту і адразу прызвалі ў войска, накіраваўшы ў чыгуначныя войскі ў Жлобін.
Цяпер чытаюць
«Стаяць на сваім, кожны наколькі можа!» Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі10
Каментары