Ёлачныя цацкі з розных краін свету прадстаўленыя на выставе «Музей ёлачных цацак», паведамілі ў Нацыянальным гістарычным музеі Беларусі.
Экспазіцыя пабудавана па прынцыпе чарадзейнага лабірынта, у якім прадстаўлена гісторыя вытворчасці шкляных ёлачных цацак з сярэдзіны XIX стагоддзя да нашых дзён. На выстаўцы прадстаўлены цацкі з Еўропы, Азіі, Аўстраліі, Амерыкі і Афрыкі, аналагаў некаторых з іх няма ні ў адным еўрапейскім музеі.
Наведвальнікаў уразіць не толькі падбор экспанатаў. У гасцей будзе магчымасць убачыць маленькі цуд — працэс вырабу шкляной ёлачнай цацкі.
Выклікаюць цікавасць рарытэтныя экспанаты: дакладная копія цацкі, падоранай Папе Рымскаму Іаану-Паўлу ІІ, і занесенай у Кнігу рэкордаў Гінесу, вялізны шкляны шар з Венскага балю і многае іншае.
У экспазіцыі прадстаўлены копіі карцін Марка Шагала, Івана Шышкіна, Сальвадора Далі, Пабла Пікаса, Віктара Васняцова, Івана Айвазоўскага, Леанарда да Вінчы, адлюстраваныя на шкляных шарах. Таксама можна паглядзець на вялікую калекцыю Дзядоў Марозаў і інтэрактыўны мініяцюрны калядны гарадок.
У час работы выстаўкі «Музея ёлачных цацак» праводзяцца майстар-класы для школьнікаў: можна размаляваць ёлачную цацку сваімі рукамі і забраць яе з сабой у святочнай упакоўцы. Таксама арганізавана «Пошта Дзеда Мароза», дзе можна адправіць віншавальную паштоўку сваім сябрам і блізкім. Дзеці ж змогуць накіраваць свае пажаданні аб навагоднім падарунку Дзеду Марозу.
Наведаўшы выстаўку, кожнае дзіця зможа акунуцца ў чарадзейную казку, а дарослы — вярнуцца ў далёкае дзяцінства. Выстава ўжо экспанавалася ў мінулым годзе і сабрала рэкордную колькасць наведвальнікаў: больш за 30 тысяч чалавек. Як адзначылі ў музеі, праект будзе працаваць да 17 студзеня будучага года.
Цяпер чытаюць
«У Віцебску заходзіў у тралейбус і казаў «Слава Украіне!». Украінца ў 67 гадоў пасадзілі за каменты, напісаныя пасля гібелі хроснай дачкі пад абстрэлам у Кіеве8
Каментары