Візіт Дзеда Мароза ў дзіцячы садок трэба ўзгадняць з кіраўніцтвам і бацькоўскім камітэтам
Запрашаць у дзіцячыя сады на навагоднія ранішнікі прыватнага Дзеда Мароза можна толькі па ўзгадненні з кіраўніцтвам установы і бацькоўскім камітэтам.
Пра гэта паведаміла намеснік начальніка аддзела выхаваўчай і ідэалагічнай работы камітэта па адукацыі Мінгарвыканкама Надзея Вялікая сёння на прэс-канферэнцыі, адказваючы на пытанне адносна забароны ў дзіцячых садах на паслугі пабочных арганізацый па правядзенні святаў.
«Забароны на запрашэнне збоку няма, — сказала Надзея Вялікая. — Ва ўстановах адукацыі горада працуюць папячыцельскія саветы і бацькоўскія камітэты. Перш, чым запрасіць прыватную структуру, неабходна звярнуцца да кіраўніка ўстановы адукацыі і папячыцельскі савет. Калі бацькі хочуць арганізаваць для сваіх дзяцей свята з прыватнай арганізацыяй, калі ласка, ніхто не забараняе. Абмяркуйце гэта пытанне з кіраўніцтвам установы адукацыі, папячыцельскага савета, бацькоўскага камітэта, агаварыце цану пытання, якасць праграмы».
Разам з тым яна падкрэсліла, што ўстановы адукацыі Мінска гатовы аказаць прафесійныя паслугі ў арганізацыі забаўляльных мерапрыемстваў, у тым ліку святкаванні Новага года. У сталіцы функцыянуюць 23 установы дадатковай адукацыі, у тым ліку 12 — шматпрофільных. Яны адказваюць за якасць тэатралізаваных мерапрыемстваў. «Нашы рэжысёры-пастаноўшчыкі, педагогі рыхтуюць праграмы і мерапрыемствы гарадскога, рэспубліканскага значэння, у тым ліку прафесійна падыходзяць да тэатралізаваных паказаў для дзяцей. За паслугі прыватных арганізацый мы не нясём адказнасці, — заўважыла Надзея Вялікая. — Калі бацькі думаюць, што за $500 атрымаюць якасную праграму, то могуць памыляцца».
Затрыманы ў Польшчы беларускі таксіст-шпіён быў сябрам «Паспалітага рушэння»14
Затрыманы ў Польшчы беларускі таксіст-шпіён быў сябрам «Паспалітага рушэння»
Расійскія і лукашэнкаўскія спецслужбы на фоне залёту дронаў у Польшчу правялі інфаатаку. Яе зладжанасць дае падставы думаць, што залёт быў спланаваны1515
Каментары