Грамадства99

Ці лятае Ціханоўская бізнэс-класам і як міністр замежных спраў Польшчы падкінуў яе на сваім самалёце

Некаторымі падрабязнасцямі замежных паездак Святланы Ціханоўскай у новым выпуску «Жыццё-маліна» падзяліўся дыпламатычны дарадца яе офіса Дзяніс Кучынскі.

Святлана Ціханоўская і Дзяніс Кучынскі на сустрэчы з міністрам замежных спраў Польшчы Радаславам Сікорскім падчас Саміту НАТА ў Вашынгтоне. Фота: ОСЦ

Як ахоўваюць Ціханоўскую

Бяспеку Святланы Ціханоўскай забяспечвае служба аховы, якую дала Літва. За апошнія гады, па словах Кучынскага, колькасць ахоўнікаў не скарачалася.

«Ёсць літоўская ахова і ёсць ахова ў іншай краіне, куды яна прыязджае. Іншая краіна робіць свае ацэнкі, колькі аховы даваць, як і калі».

Кучынскаму найбольш запомніўся прыём у Малдове:

«У Малдове быў картэж поўны — з аховай, з хуткай [дапамогай], з паліцыяй, з картэжам з матацыкламі. Пэўна, у Малдове, быў адзін з найвялікшых [картэжаў]. У Вялікабрытаніі была вялікая [ахова]. Шмат дзе, на самой справе. У Польшчы заўсёды добрая. У большасці краін [таксама]. Але Малдова неяк запомнілася».

Ці лятае бізнэс-класам

Для пералётаў у іншыя краіны Ціханоўская не карыстаецца бізнэс-класам. Як тлумачыць Кучынскі, яны не бачаць асаблівай розніцы паміж бізнэс-класам і бюджэтнымі месцамі. Да таго ж большасць пералётаў здзяйсняецца на кароткія дыстанцыі.

«Большасць нашых рэйсаў унутраныя, еўрапейскія. Чым адрозніваецца бізнэс-клас? Фіраначкай, якая там [аддзяляе частку салона]. Навошта шыкаваць і лётаць бізнэс-класам?»

Дыпламатычны дарадца Офіса Ціханоўскай расказаў, што часам яны лётаюць на адным самалёце з іншымі палітыкамі.

«Ты заходзіш — яны ўсе на першых бізнэс-шэрагах. Мы заўсёды ідзём туды (у эканом-клас. — НН)».

Па словах Кучынскага, яму падабаецца прыклад прэзідэнта Малдовы Маі Санду, якая заўсёды праяўляе сціпласць і лётае звычайнымі рэйсамі.

Дзяніс Кучынскі Денис Кучинский Denis Kuchinsky
Дзяніс Кучынскі. Скрын відэа: malina_by / YouTube

Аднойчы ўлады Германіі прапаноўвалі выслаць па Ціханоўскую спецыяльны самалёт, каб яна магла паспець прыняць удзел у цырымоніі ў Берліне.

«Гэта мэрыя больш была, а не ўрад. Яны прапаноўвалі самалёт, каб мы маглі паспець. Таму што было некалькі мерапрыемстваў у нас ужо запланаваных. Каб мы маглі паспець, яны гатовы былі гэты прыватны самалёт прыслаць. Але мы ў выніку знайшлі варыянт звычайным паляцець».

Як Сікорскі падкінуў у Брусэль

Але была і гісторыя, калі Святлану Ціханоўскую на ўрадавым самалёце ў Брусэль падкінуў міністр замежных спраў Польшчы Радаслаў Сікорскі.

«Мы ляцелі на сустрэчу з іншымі міністрамі замежных спраў. Мы разумеем, што мы ляцім на адну падзею, у адзін дзень і ў адзін час. І пры гэтым у гэты дзень Ціханоўская таксама ў Варшаве, таму што быў Марш.

Была праблема, як даляцець своечасова. Не было рэйсаў. І я тады перамаўляўся з камандай [віцэ-прэзідэнта Еўрапейскай Камісіі] Каі Калас у Брусэлі. Гэта галоўны дыпламат усяго Еўразвязу. Мы перамаўляліся, як паспець. (…)

Я пачаў шукаць розныя варыянты. Пішу камандзе кіраўнічкі еўрапейскай дыпламатыі, што ў нас мерапрыемства вялікае — Марш, сустрэча з беларусамі, канферэнцыя. Яны кажуць: «Вы ж у Польшчы будзеце. Так [міністр замежных спраў Польшчы] Сікорскі таксама ляціць на гэту падзею. Можа, спытайце, каб ён вас падкінуў».

Мы звярнуліся, скарысталіся вось гэтай парадай».

Як расказаў Кучынскі, вылет быў з ваеннага аэрапорта, які знаходзіцца побач з аэрапортам імя Шапэна ў Варшаве.

«Там тое ж самае. Ты праходзіш кантроль. І ў апошні момант табе выдаюць пасадачны талон. Але, зразумела, што сам самалёт не як звычайны. (…) Адрозненне ў тым, што няма шэрагаў. Выдзяляецца адзін пакойчык. Пасля некалькі зон па чатыры месцы, каб людзі маглі камандамі сесці. І далей ёсць адна дадатковая секцыя, дзе ўжо шэрагамі стаяць крэслы. Але абсалютна звычайны самалёт. Трошкі сапраўды ўтульныя крэслы».

На пытанне, ці кармілі на борце польскага ўрадавага самалёта, Кучынскі прыгадаў:

«Снікерс давалі дакладна, і была, здаецца, нейкая грэчка з курыцай. Абсалютна звычайная [ежа], тое, што ў аэрапорце ў нейкіх лаўнджах (залах адпачынку. — НН) даюць».

Каментары9

  • Пытанне па сутнасцi
    08.06.2025
    Бiснэс класам можа паляцець любы. А цi лётае яна першым класам?
  • Петя
    08.06.2025
    Не дурите голову уже со своей Тихановской, как и с теми, кто против нее. Идите работать уже, профессиональные оппозиционеры. Нам от вас ни жарко, ни холодно
  • Hern
    08.06.2025
    Аж расплакался может задонатиць а то жизнь такая тяжелая одна борьба.

Цяпер чытаюць

У фінскім серыяле расіяне высаджваюць дэсант з самалёта «Белавія». Што робяць Суомі?

У фінскім серыяле расіяне высаджваюць дэсант з самалёта «Белавія». Што робяць Суомі?

Усе навіны →
Усе навіны

Лукашэнка на нарадзе пра кіно: Без вас мы можам абысціся. Вас няма11

56-гадовую віцяблянку будуць судзіць за порнастрымы ў інтэрнэце10

Прайшоў другі этап абмену расійска-ўкраінскага абмену ваеннапалоннымі. Абмянялі і аднаго беларуса2

Стала вядома, каго з расійскіх вайскоўцаў лячылі ў бальніцах Гомельшчыны ў пачатку вайны13

«Выскачыць на вуліцу ў кароткіх спаднічках — гэта вы маглі. І ўсіх гвалтавалі там». Лукашэнка ўспомніў кіношнікам 2020-ы і заклікаў спыніцца23

«Вы за ўсё адкажаце». Беларусам на прайдзе ва Уроцлаве таксама пагражалі невядомыя55

«Вакол вайна, вакол бушуе. Вазьміце Фінляндыю». Лукашэнка прачытаў кіношнікам лекцыю па міжнародным становішчы10

Еўракамісія прапануе знізіць верхнюю мяжу цаны на нафту1

Telegram: Мы ніколі не раскрывалі прыватныя паведамленні трэцім асобам7

больш чытаных навін
больш лайканых навін

У фінскім серыяле расіяне высаджваюць дэсант з самалёта «Белавія». Што робяць Суомі?

У фінскім серыяле расіяне высаджваюць дэсант з самалёта «Белавія». Што робяць Суомі?

Галоўнае
Усе навіны →

Заўвага:

 

 

 

 

Закрыць Паведаміць