Журналісты перашкодзілі затрыманню актывіста пасля акцыі ля расійскай амбасады ФОТА, ВІДЭА
Сёння а 18-й гадзіне «Малады Фронт» меўся правесці акцыю, прысвечаную Аршанскай бітве, каля амбасады РФ у Мінску. Незадоўга да яе пачатку стала вядома, што лідар «МФ» Зміцер Дашкевіч быў брутальна выкрадзены і звезены ў невядомым кірунку.
19:05
Маленькая перамога — актывіста адстаялі. «Звычайныя людзі» ў цывільным не вытрымалі і перад уваходам у метро сышлі. Дарэчы, за праезд у трамваі яны не заплацілі.
18:40
Кароткая акцыя завяршылася, актывісты накіраваліся дадому. Адзін з іх, Сяржук Стрыбульскі, з'ехаў на ровары, ягоны лёс пакуль невядомы. За Паўлам Пракаповічам пацягнуліся двое ў цывільным, таму журналісты вырашылі праводзіць яго дадому ў мэтах бяспекі.
Тыя самыя двое ў цывільным:
18:30
Двум актывістам МФ усё ж удалося разгарнуць плакат «Акупанты — вон!»
Да актывістаў прычапіўся нецвярозы грамадзянін, які пачаў іх лаяць і абражаць, а таксама абураная пажылая жанчына, якая зацята даводзіла, што «без Расіі мы ўсе памром». Мужчына ў захапленні пацягнуўся да яе з пацалункам.
18:20
Стала вядома пра затрыманне Уладзіміра Яроменка.
18:15
У дадзены момант тэрыторыя амбасады акружаная міліцыяй і сілавікамі ў цывільным. Стаяць аўтазакі, міліцэйскія машыны, сіні мікрааўтобус.
Як паведамляюць журналісты «НН», людзей затрымліваюць адразу на падыходах да амбасады. Толькі што стала вядома пра затрыманне актывісткі Вольгі Нікалайчык.
«У Віцебску заходзіў у тралейбус і казаў «Слава Украіне!». Украінца ў 67 гадоў пасадзілі за каменты, напісаныя пасля гібелі хроснай дачкі пад абстрэлам у Кіеве7
Каментары