На спецыяльна скліканай прэс-канферэнцыі ў суботу актрыса фільмаў для дарослых Джэсіка Дрэйк заявіла, што інцыдэнт адбыўся ў 2006 годзе на турніры па гольфе ў Каліфорніі. Трамп, па яе словах, фліртаваў з ёй, а затым запрасіў у свой нумар.
Яна пагадзілася, але прыйшла ў суправаджэнні двух сябровак. Замест прывітання Трамп нібыта пацалаваў кожную з дзяўчын без іх згоды.
Пасля гэтага візіту, заявіла актрыса, мільярдэр адзін раз патэлефанаваў ёй з пытаннем: «Чаго ты хочаш? Колькі?»
Дрэйк сцвярджае, што быў і другі званок, падчас якога падобны на Трампа чалавек прапанаваў ёй 10 тыс. даляраў і бясплатны пералёт на прыватным самалёце, у выпадку калі яна пагодзіцца на сувязь з Трампам.
У штабе палітыка гэтыя заявы назвалі «абсалютнай хлуснёй», падкрэсліўшы, што Трамп нават не знаёмы з Дрэйк.
Дрэйк стала ўжо 11 жанчынай, якая абвінаваціла Трампа ў сэксуальных дамаганнях. Ён усе абвінавачванні адмаўляе, а нядаўна паабяцаў пасля выбараў падаць у суд на «ўсіх гэтых хлусаў».
«Стаяць на сваім, кожны наколькі можа!». Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі4
Каментары