Паліцыя затрымала 40-гадовага беспрацоўнага, якому зламаны банкамат на ўсходзе Масквы выдаў паўмільёна расійскіх рублёў (каля 8 тысяч даляраў), піша ВВС.
Мужчыну, які прыехаў у расійскую сталіцу з Белгародскай вобласці, падазраюць у крадзяжы грошай з банкамата.
«Як выяўлена, пры зняцці сродкаў банкамат выдаў падазраванаму замест чатырох — 20 тысяч рублёў. Скарыстаўшыся тэхнічным збоем, мужчына зняў у агульнай колькасці паўмільёна рублёў», — гаворыцца ў паведамленні прэс-службы УУС па Усходняй адміністрацыйнай акрузе Масквы.
Пошукі падазраванага пачаліся, калі ў паліцыю звярнуўся прадстаўнік банка, з банкамата якога былі знятыя грошы.
Па факце зняцця наяўных распачатая крымінальная справа па артыкуле «крадзеж», максімальны тэрмін пакарання па якой складае шэсць гадоў турмы. Падазраваны адпушчаны пад падпіску аб нявыездзе.
Памёр 50-гадовы спецназавец Буцько. Ён быў удзельнікам выкрадання і забойства Захаранкі і Ганчара37
Каментары