Выхавальніцы дзіцячага садка ў Светлагорску, у якім дзіця атрымала траўмы, рашэннем суда прызначанае пакаранне ў выглядзе папраўчых работ тэрмінам на адзін год з утрыманнем у прыбытак дзяржавы 15% заробку штомесяц. Таксама з яе спагоняць на карысць пацярпелай (мамы дзіцяці) грашовую кампенсацыю маральнай шкоды — Br3,1 тыс. Пра гэта паведаміла БелТА прэс-сакратарка абласнога суда Вольга Барсукова.
Як паведамлялася, інцыдэнт адбыўся ў першай палове дня 30 мая гэтага года. Чатырохгадовы хлопчык, які знаходзіўся ў гэты час пад наглядам 28-гадовай выхавальніцы, атрымаў траўмы рук у выглядзе пераломаў.
Бацькі дзіцяці напісалі заяву ў міліцыю. Следчыя распачалі крымінальную справу па ч.1 ст.165 (неналежнае выкананне абавязкаў па забеспячэнні бяспекі жыцця і здароўя дзяцей) КК РБ. Суд пакінуў гэтае абвінавачанне ў сіле. У выхавальніцы, як паведаміла прэс-сакратар абласнога суда, двое ўласных дзяцей.
Прысуд законную моц пакуль не набыў, ён можа быць абскарджаны і апратэставаны ва ўстаноўленым законам парадку.
-
У аварыі ў Слуцкім раёне загінулі чатыры чалавекі з адной машыны
-
Жыхар Ваўкавыска падклаў пад штаны пластыкавы кантэйнер і стрэліў сабе ў нагу з вінтоўкі. Ён праводзіў цікавы эксперымент
-
«Забілі маю сястру, а праз некалькі месяцаў здарылася трагедыя са школьніцай». Беларускі — пра маньяка, якога лавілі 25 гадоў
Цяпер чытаюць
Сыны «літоўскага шпіёна» адправілі Лукашэнку ліст. Тым часам усплылі новыя дэталі яго справы3
Каментары