Аляксандар Лукашэнка падпісаў указ нумар 380 «Аб некаторых мерах па ўдасканаленьні парадку праходжаньня ваеннай службы».
Дакумент прыняты ў мэтах аптымізацыі колькасці пасад са штатна‑службовай катэгорыяй «палкоўнік» і ёй роўнай у сілавых ведамствах, назначэння афіцэраў на гэтыя пасады зыходзячы з маштабу, адказнасці і аб’ёму задач, што вырашаюцца пры выкананні службовых абавязкаў.
Гэтым указам устанаўліваецца гранічная колькасць пасад са штатна‑службовай катэгорыяй «палкоўнік» і ёй роўнай у дзяржаўных органах сістэмы забеспячэння бяспекі, а таксама ўносяцца дапаўненні ў шэраг указаў прэзідэнта.
Рэалізацыя дакумента будзе садзейнічаць павышэнню значнасці звання палкоўнік як сярод афіцэраў, так і ў грамадстве, а таксама стымуляваць афіцэраў да пастаяннага павышэння сваіх прафесійных ведаў і службовага росту.
Указ уступае ў сілу з 1 студзеня 2009 года, за выключэннем асобных пунктаў, што ўступаюць у сілу з дня афіцыйнага апублікавання.
Позна ўвечары Лукашэнка паразмаўляў яшчэ і з Джонам Коўлам. Імаверна, гаворка ішла пра ўмовы і тэрміны вызвалення палітвязняў2
Каментары