У Санкт-Пецярбургу і Ленінградскай вобласці прайшоў аператыўна-мабілізацыйны збор кіраўнічага складу Заходняй вайсковай акругі Расіі, галоўнай тэмай якога была падрыхтоўка да стратэгічных камандна-штабных вучэнняў «Захад-2017», піша расійскае «Независимое военное обозрение».
У мерапрыемстве ўзялі ўдзел больш за 160 афіцэраў, генералаў і адміралаў, паведамляў раней афіцыйны сайт Мінабароны РФ, не згадваючы вучэнні, якія павінны прайсці ў тым ліку і на тэрыторыі Беларусі.
Вучэнні «Захад-2017» адбудуцца восенню 2017 года, і, як чакаецца, будуць вельмі вялікімі па маштабах — могуць пераўзыходзіць вучэнні «Каўказ-2016», у якіх удзельнічалі 125 000 вайскоўцаў і 97 тысяч рэзервістаў, піша «НВО».
Беларускія аналітыкі адзначалі, што У 2017 годзе Міністэрства абароны Расіі плануе адправіць у Беларусь і з Беларусі 4162 вагоны з войскамі і іншымі грузамі, што ў шмат разоў болей, чым калісьці раней.
Рэзкі рост расійскіх вайсковых паставак у Беларусь выклікаў зразумелую занепакоенасць ў украінскай прэсе, згодна з меркаваннем якой гэта можа азначаць разгортванне ў Беларусі буйной расійскай групоўкі для агрэсіўных дзеянняў супраць Украіны ці нават краін Балтыі.
Беларускія эксперты выказваюць розныя меркаванні з нагоды вучэнняў.
Цяпер чытаюць
Затрыманы ў Польшчы беларускі таксіст-шпіён быў сябрам «Паспалітага рушэння»14
Затрыманы ў Польшчы беларускі таксіст-шпіён быў сябрам «Паспалітага рушэння»
Расійскія і лукашэнкаўскія спецслужбы на фоне залёту дронаў у Польшчу правялі інфаатаку. Яе зладжанасць дае падставы думаць, што залёт быў спланаваны1212
Каментары