Беларусь саступіла 1:3, аднак не дазволіла Нідэрландам прабіцца на чэмпіянат свету — ВІДЭА галоў
Футбольная зборная Беларусі дала бой камандзе Нідэрландаў у матчы адборачнага турніра да чэмпіяната свету — 2018, аднак усё ж саступіла 1:3.
На 24-й хвіліне лік адкрыў Дэві Пропер.
На 55-й хвіліне голам у беларусаў адзначыўся Максім Валадзько.
Аднак да нічыей зборная Беларусі не датрымалася. На 84-й хвіліне Арыен Робэн рэалізаваў пенальці.
А на апошняй хвіліне забіў яшчэ і Мэмфіс Дэпай.
Тым не менш для такой зборнай Нідэрландаў такую перамогу можна лічыць паразай. Каб выбрацца на другое месца ў групе, якое дазваляе прабіцца ў стыкавыя матчы, у апошнім матчы галандцам трэба перамагчы Швецыю як мінімум з лікам 7:0. У адборы да чэмпіяната свету вызначальнай з’яўляецца розніца мячоў, а не асабістыя сустрэчы.
Зборная Беларусі тым часам узнялася з апошняга месца ў групе, абышоўшы за кошт той самай розніцы мячоў Люксембург.
Цяпер чытаюць
«Пра сустрэчу Луку заўсёды прасілі перадаць Пуціну». Шустэр расказаў, як Лукашэнка прапаноўваў свае паслугі амерыканцам11
Каментары