Цана бэнзіну ў рублях зьнізілася на 10%, а ў далярах — аж на 22.
Калі сусьветныя цэны на нафту зьнізіліся з 140 даляраў да 50, «Белнафтахім» палічыў, што пара бэнзіну таньнець і ў Беларусі. Праўда, не ўтрая, а толькі на 10%.
Такім чынам, кошт бэнзіну А-76 (Н-80) складае ад 1 сьнежня 1.760 руб. за л, бэнзіну АІ-92 — 2.220 руб., бэнзіну АІ-95 — 2.530 руб., дызпаліва — 2.020 руб.
Найбольш цікава, што новыя цэны на паліва моцна розьняцца ў рублях і далярах ЗША. Цана бэнзіну ў рублях зьнізілася на 10%, а ў далярах — аж на 22%. Напрыклад, 95-ы — з $1,34 да $1,04 за літар. «Бэнзінавы» курс рубля да даляра складае, такім чынам, больш за 2400 руб.
Раней рублёвыя цэны вылічваліся па бягучым курсе рубля да валюты. Цяперака «Белнафтахім» упершыню ўстанавіў фіксаваныя цэны ў далярах.
Гэта зроблена, каб кампэнсаваць дэфіцыт валюты. Дзяржава разьлічвае, што людзі пачнуць плаціць за паліва ў далярах, а не ў рублях. Крок беспрэцэдэнтны. Ён паказвае, наколькі бракуе валюты ў краіне.
Камэрцыйным запраўкам дазволілі выстаўляць цэны ў эўра й рублях самастойна. Яны пераважна трохі вышэйшыя за цэны на дзяржаўных АЗС, дзе цэны ў рублях і эўрах пералічаныя, зыходзячы з курсу, закладзенага ў даляравую цану.
* * *
Колькі каштуе паліва ў суседніх краінах?
Даляраў, за літар 95-га бэнзіну, у сярэднім
Менск, Беларусь 1,17 \ 1,04
Варшава, Польшча 1,27
Вільня, Літва 1,00
Рыга, Латвія 1,02
Расія, Масква 0,85
Кіеў, Украіна 0,73
Затрыманы ў Польшчы беларускі таксіст-шпіён быў сябрам «Паспалітага рушэння»14
Затрыманы ў Польшчы беларускі таксіст-шпіён быў сябрам «Паспалітага рушэння»
Расійскія і лукашэнкаўскія спецслужбы на фоне залёту дронаў у Польшчу правялі інфаатаку. Яе зладжанасць дае падставы думаць, што залёт быў спланаваны1515
Каментары