Кіраўнікі кампаніі «БалтСтрой», якая належала мільярдэру Дзмітрыю Міхальчанку, і звязаныя з імі бізнэсоўцы дзесяць год выкрадалі бюджэтныя сродкі на будоўлю і рэстаўрацыю аб'ектаў дзяржаховы, распавёў следству былы намеснік дырэктара кампаніі «Клімат проф» Барыс Мальцаў. Пратаколы яго допытаў ёсць у распараджэнні РБК.
Крадзяжы мелі месца па меншай меры на 17 аб'ектах, сцвярджае Мальцаў; замоўцамі работ выступалі Федэральная служба аховы (ФСА) і Міністэрства культуры РФ.
Сярод названых Мальцавым аб'ектаў - Гранавітая палата Крамля, Вялікі Крамлёўскі палац, Канстанціноўскі палац (Палац кангрэсаў) у Стрэльне, рэзідэнцыя «Бачароў Ручай», Маскоўская кансерваторыя, тэатр «Современнік».
Крадзяжы адбываліся шляхам завышэння цэн за працы і матэрыялы; для субпадрадчыкаў умовай працы быў адкат «БалтСтрою» ў памеры да 50% ад сумы кантракта, сцвярджае Мальцаў.
Барысу Мальцаву выстаўлена абвінавачванне ў растраце ў рамках справы фірмы «Атэкс», падведамаснай ФСА РФ. Следчы камітэт Расіі лічыць, што кіраўнік «Атэкса» Андрэй Камінаў, афіцэры ФСА Ігар Васільеў і Дзмітрый Уліцін, уласнік «БалтСтроя» Дзмітрый Міхальчанка, гендырэктар кампаніі і кіраўнікі кампаній-субпадрадчыкаў стварылі злачынную групоўку і ў 2014-2015 гадах выкралі 1,5 млрд расийскіх рублёў (каля 30 млн даляраў) падчас будаўніцтва Дома прыёмаў у рэзідэнцыі прэзідэнта РФ «Нова-Агарова».
Большасць абвінавачаных прызналі віну.
Гісторыя пачалася ў 2007-м, калі топ-менеджар «БалтСтроя» Дзмітрый Тарчынскі прапанаваў кіраўніку «Клімат проф» Сяргею Перевалову абсталяваць інжынернымі сістэмамі прэс-цэнтр Канстанцінаўскага палаца - помніка архітэктуры XVIII стагоддзя ў Стрэльне, дзе годам раней прайшоў саміт G8. Аб'ект падпарадкоўваецца Кіраўніцтву справамі прэзідэнта РФ.
Кіраўнікі «БалтСтроя» і «Клімат проф» дамовіліся пра адкат на карысць Тарчынскага ў 20% ад цаны дамовы, сцвярджае Мальцаў. Работы былі выкананыя хутка і якасна, таму «Клімат проф» прыцягнулі да работ і на іншых аб'ектах пры ўмове адкату ў 25-30%.
Па такой жа схеме «Клімат проф» у 2008 годзе абсталяваў інжынернымі сістэмамі рэзідэнцыю Пуціна «Бачароў Ручай» - пры цане дамовы ў 55-60 млн расійскіх рублёў каля 30% склаў адкат, сцвярджае сведка.
«Клімат праф» займаўся усталяваннем сістэм вентыляцыі, кандыцыянавання і ацяплення. Каб закласці ў каштарыс адкат, кампанія па ўзгадненні з «БалтСтроем» у разы завышала цэны на закупку абсталявання. Накрутка складала ад 200-300 да 1000%.
Па асобных аб'ектах адкат складаў да паловы сумы кантракту. Напрыклад, за працы ў будынку на Краснай плошчы «Клімат проф» заплаціў 342,9 млн расійскіх рублёў адкату пры суме кантракта 757 млн рас. руб. (У рэальнасці абсталяванне каштавала 414,5 млн рас. руб.). У дамове на будоўлю на «Вараб'ёвых горах» была паказаная сума 950 млн рас. руб., з якой 360 млн прыходзілася на адкат.
«БалтСтрой» уваходзіць у холдынгавую кампанію «Форум» мільярдэра Дзмітрыя Міхальчанкі; апошні да свайго арышту ў 2016 годзе лічыўся адным з самых уплывовых бізнесменаў Санкт-Пецярбурга, цесна звязаным з сілавымі структурамі. Кампанія шмат разоў атрымлівала буйныя дзяржпадрады па лініі Мінкультуры і ФСА.
Затрыманы ў Польшчы беларускі таксіст-шпіён быў сябрам «Паспалітага рушэння»14
Затрыманы ў Польшчы беларускі таксіст-шпіён быў сябрам «Паспалітага рушэння»
Расійскія і лукашэнкаўскія спецслужбы на фоне залёту дронаў у Польшчу правялі інфаатаку. Яе зладжанасць дае падставы думаць, што залёт быў спланаваны1515
Каментары