Беларусам могуць дазволіць свабодна адкрываць бягучыя рахункі ў замежных банках з 1 сакавіка 2019 года. Гэта прадугледжана зменамі ў заканадаўства, якія знаходзяцца ў распрацоўцы, паведаміў сёння журналістам намеснік старшыні праўлення Нацбанка Сяргей Калечыц, піша БелТА.
Адпаведныя змены унясуць у рашэнне Нацбанка, якое рэгулюе гэтае пытанне, цяпер дакумент праходзіць рэгістрацыю ў Міністэрстве юстыцыі. «Гэтым рашэннем прадугледжваецца, што з 1 сакавіка нашы грамадзяне атрымаюць магчымасць зусім свабодна (без атрымання дазволу Нацбанка) адкрываць бягучыя рахункі ў замежных банках», - адзначыў Сяргей Калечыц.
Намеснік старшыні праўлення Нацбанка звярнуў увагу, што забарону плануюць зняць менавіта на адкрыццё бягучых рахункаў, а каб адкрыць дэпазіт, прыйдзецца атрымліваць дазвол.
У дакуменце ёсць і шэраг іншых навацый, у тым ліку ў плане дэдаларызацыі. Падрабязныя тлумачэнні аб навінках будуць размешчаны на сайце Нацбанка.
Цяпер чытаюць
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове11
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове1
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Каментары