Мінабароны Расіі рассакрэціла дакументы аб абароне Брэсцкай крэпасці
Сярод дакументаў на сайце ведамства прадстаўлена, у прыватнасці, адно з першых данясенняў пра артабстрэл крэпасці, паведамляе ТАСС.
Мінабароны Расіі рассакрэціла дакументы з фондаў Цэнтральнага архіва, якія апавядаюць пра подзвіг абаронцаў Брэсцкай крэпасці.
Матэрыялы апублікаваныя на сайце міністэрства ў адмысловым гісторыка-пазнавальным раздзеле.
«Падчас абароны Брэсцкай крэпасці байцы Чырвонай Арміі праявілі невядомую мужнасць, узрушэнне ад якой не хаваў нават вораг, менавіта тут, у цвярдыні над Бугам ён усвядоміў, што «паход на Усход» не будзе для яго лёгкім шпацырам», — гаворыцца ў тэксце.
Сярод дакументаў — адно з першых данясенняў пра артабстрэл крэпасці, сканы газет са згадкамі пра абаронцаў гарнізона, указы Прэзідыума Вярхоўнага савета СССР аб узнагароджанні ўдзельнікаў абароны. Таксама на сайце апублікаваныя ўспаміны саміх абаронцаў крэпасці і шматлікія ўзнагародныя лісты.
Публікацыя дакументаў прымеркавана да 22 чэрвеня 1941 года — дня нападу германскіх войскаў на Брэсцкую крэпасць.
Каментары