Лёс прэзідэнтаў, якія прыйшлі да ўлады шляхам «аранжавых рэвалюцый» у сваіх краінах, прадвызначаны. Так спікер Дзярждумы Валодзін пракаментаваў інфармацыю пра тое, што былы ўкраінскі лідар Пятро Парашэнка з'ехаў з краіны, перадае ТАСС.
У якасці прыкладу Валодзін прывёў былога прэзідэнта Грузіі Міхаіла Саакашвілі, які «стаў для сваёй радзімы неўязным». «А ўчора Парашэнка з сям'ёй пакінуў Украіну», — заявіў ён журналістам.
Па словах спікера Дзярждумы, і Парашэнка, і Саакашвілі прыйшлі да ўлады «пры знешняй падтрымцы» і нанеслі сваім краінам «непапраўную шкоду». У прыватнасці, заявіў ён, Грузія «страціла Абхазію і Паўднёвую Асецію» з-за дзеянняў экс-прэзідэнта. «Украіна, некалі эканамічна квітнеючая і самадастатковая, страціла суверэнітэт і пагрузілася ва ўнутраныя канфлікты», — дадаў Валодзін.
Напярэдадні крыніцы «Украінскай праўды» паведамілі, што Парашэнка разам з сям'ёй адправіўся адпачыць у Турцыю. Некаторыя з членаў сям'і экс-прэзідэнта вылецелі ў Стамбул ў канцы мінулага тыдня. Па словах суразмоўцаў выдання, Парашэнка таксама напісаў заяву аб адмове ад дзяржаўнай аховы.
«Стаяць на сваім, кожны на колькі можа!». Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі4
Каментары