Аляксандр Лукашэнка 29 ліпеня ўзгадніў Аляксандра Кадлубая на пасаду намесніка міністра адукацыі. Цяпер стала вядома, каго ж заменіць Кадлубай на гэтай пасадзе.
«У сувязі з пераводам да іншага наймальніка» ад пасады намесніка міністра вызваленая Раіса Сідарэнка. Ёй 57 гадоў, а родам яна з расійскай Карэліі. Спадарыня Сідарэнка скончыла БДУ, і працавала ў Мінску настаўніцай рускай мовы. Ад 2014 года была намесніцай міністра.
У Міністэрстве Раіса Сідарэнка адказвала за забеспячэнне правядзення дзяржаўнай палітыкі ў сістэме адукацыі, а таксама за інфармацыйна-ідэалагічную працу.
Аляксандру Кадлубаю 37 гадоў, ён родам з Карэліцкага раёна. Скончыў гістарычны факультэт БДУ, працаваў настаўнікам гісторыі. Апошнія гады ўзначальваў аддзел адукацыі Лідскага райвыканкама.
Цяпер чытаюць
«Шынвізэ — кончаны садыст». Адзін з адыёзных начальнікаў калоніі Бабруйска перабраўся ў Германію1
Каментары