У Індыі двухгадовага хлопчыка некалькі дзён спрабавалі дастаць з калодзежа глыбінёй 180 метраў. Але ён памёр
Маштабная аперацыя па выратаванні хлопчыка доўжылася некалькі дзён, піша Бі-бі-сі.
Двухгадовы Сахіт Уілсан у мінулую пятніцу ўпаў у калодзеж глыбінёй 10 метраў. Ён гуляўся на вуліцы з іншымі дзецьмі.
Спачатку Сахіт быў на глыбіні каля 10 метраў, але пасля трапіў у закінутую свідравіну, якая мае глыбіню 180 метраў.
Ратавальнікі запампоўвалі кісларод у калодзеж, але з-за бруду ён не мог дасягнуць дзіцяці. Калі яны ў выніку дабраліся да хлопчыка, то цела ўжо пачало гніць.
Маці дзіцяці першапачаткова спрабавала выратаваць сына самастойна. Яна пашыла спецыяльны мяшок, каб дастаць сына, і паспрабавала прабрацца ў калодзеж, просячы хлопчыка не плакаць. Аднак спроба зняць яго была няўдалай.
Спробы выцягнуць хлопчыка пры дапамозе вяроўкі таксама апынуліся няўдалымі.
Шмат храмаў па ўсёй краіне, як індуісцкія, так і мусульманскія і хрысціянскія, маліліся за выратаванне хлопчыка.
Каментары