У Зэльве прыдумалі, як ратаваць закінутыя вясковыя хаты: у іх ствараюць музеі побыту
Каб лепшыя хаты не пуставалі і іх не закопвалі ў зямлю, як гэта робяць у многіх раёнах Беларусі, у Зэльве вырашылі адкрываць у іх музеі, перадае Беларускае Радыё Рацыя.
Добрую ідэю прыдумалі на Зэльвеншчыне. Вясковым закінутым хатам надаюць новае жыццё — там ствараюць мясцовыя краязнаўчыя музеі народнага побыту. Ужо стварылі хаты-музеі ў вёсках Дзярэчын, Міжэрычы, Холстава, Крамяніца, Ярнева, Варонічы, Бязводнае. І хоць экспанаты ў гэтых музеях амаль аднолькавыя, але яны зацікавяць сучасную моладзь, упэўнены стваральнікі.
Паглядзець у кожнай хаце ёсць на што, бо ад былых насельнікаў засталіся старыя рамкі з фотаздымкамі, кросны, калаўроты, сукайлы, вырабы з гліны, чыгункі, абразы, ручнікі, маслабойкі і іншыя хатнія неабходныя рэчы. Вось з іх і ствараюцца хаты-музеі.
Першымі наведвальнікамі такіх музеяў будуць школьнікі і настаўнікі, а таксама турысты.
«Пра сустрэчу Луку заўсёды прасілі перадаць Пуціну». Шустэр расказаў, як Лукашэнка прапаноўваў свае паслугі амерыканцам9
Каментары