У Беларусі прагназуюць падаражанне будаўнічых матэрыялаў з металу
У студзені кошт асноўных відаў стальнога пракату не зведаў істотных змен у параўнанні са снежнем мінулага года. Ваганні цэн былі ўмеранымі і ў сярэднім не перавышалі 3% у бок павышэння або зніжэння, паведамляе Беларуская ўніверсальная таварная біржа (БУТБ).
У прыватнасці, тона гарачакачанага ліставога пракату і швелеру стала даражэйшай на 2,2%, чым у снежні, у той час як стальныя трубы, ацынкаваны ліст і вугалок наадварот патаннелі на 2-4%.
Цэны на астатнія віды прадукцыі чорнай металургіі засталіся на ўзроўні папярэдняга месяца.
Разам з тым аналітыкі БУТБ не выключаюць, што ўжо ў лютым біржавыя каціроўкі на чорны металапракат зноў пойдуць уверх.
Аналітыкі зазначаюць, што рэзкі рост цэн, характэрны для вясны мінулага года, малаверагодны. Хутчэй за ўсё, павышэнне будзе паступовым і закране толькі самыя запатрабаваныя пазіцыі, такія як арматура, трубы і ліставы пракат.
Цяпер чытаюць
«А зможаце вылецець заўтра?» Джон Коўл расказаў, як піў з Лукашэнкам гарэлку, каб дамовіцца пра вызваленне палітвязняў9
Каментары