Віталь Гуркоў пра вайну ва Украіне: Тое, што цяпер адбываецца, гэта ў тым ліку з-за Ціханоўскай
Тайбаксёр і ўдзельнік гурта Brutto Віталь Гуркоў, які жыве ў Кіеве, выступіў з дзіўнай заявай з нагоды ўварвання Расіі ва Украіну.
«Хачу сказаць, што ўсё тое, што цяпер адбываецца ва Украіне, гэта ў тым ліку дзякуючы Ціханоўскай і кампаніі. І тым людзям, якія былі падманутыя, павяліся на гэтую персону, выходзілі на акцыі.
А цяпер маем тое, што маем. І вельмі дзіўна чуць ад вас інтэрнэтную падтрымку, ну але ж дзякуй і за гэта», — сказаў спартовец у сторыз у Інстаграме.
Віталь Гуркоў пакінуў Беларусь у 2020 годзе, як толькі пачаліся першыя затрыманні.
Каментары