Італьянскі прэм'ер паразмаўляў з Пуціным праз тэлефон. Хоць яшчэ месяц таму заяўляў, што гэта не мае сэнсу
Прэзідэнт Расіі Уладзімір Пуцін паразмаўляў па тэлефоне з прэм'ер-міністрам Італіі Марыё Драгі. Прэс-служба Крамля адзначае, што размова адбылася па ініцыятыве італьянскага боку. Адзначаецца, што бакі грунтоўна разгледзелі становішча спраў у сферы глабальнай харчовай бяспекі.
Пуцін акцэнтаваў, што Расія, маўляў, «гатовая ўнесці свой важкі ўклад у пераадоленне харчовага крызісу за кошт экспарту збожжа і угнаенняў — пры ўмове зняцця палітычна матываваных абмежаванняў з боку Захаду».
Пуцін і Драгі таксама абмеркавалі сітуацыю ва Украіне.
Варта адзначыць, што яшчэ месяц таму італьянскі прэм'ер заяўляў, што з Уладзімірам Пуціным бессэнсоўна весці тэлефонныя размовы пра вайну, паколькі яны не прыводзяць ні да якога выніку.
«Я пачынаю думаць, што маюць рацыю тыя, хто кажа, што з ім марна размаўляць, гэта проста пустая трата часу. Я заўсёды абараняў Макрона і працягваю сцвярджаць, што як прэзідэнт ЕС ён мае рацыю, спрабуючы выкарыстаць усе магчымыя шляхі дыялогу. Але ў мяне склалася ўражанне, што жах вайны, з яе разнёй, з тым, што яны зрабілі з дзецьмі і жанчынамі, зусім не залежыць ад слоў і тэлефонных званкоў», — казаў ён тады.
Чытайце таксама:
Размаўляць з Пуціным марна — прэм'ер Італіі
Цяпер чытаюць
«У Віцебску заходзіў у тралейбус і казаў «Слава Украіне!». Украінца ў 67 гадоў пасадзілі за каменты, напісаныя пасля гібелі хроснай дачкі пад абстрэлам у Кіеве8
Каментары