Еўракамісія будзе рэкамендаваць надаць Украіне статус кандыдата на сяброўства ў ЕС
Еўракамісія гатовая даць рэкамендацыі краінам ЕС і завяршыць ацэнку адносна статусу Украіны як кандыдата на сяброўства. Пра гэта заявіла кіраўнік Еўракамісіі Урсула фон дэр Ляен, якая прыехала сёння ў Кіеў.
Паводле Bloomberg, ужо на наступным тыдні Еўракамісія парэкамендуе даць Украіне статус кандыдата на ўступленне ў ЕС.
«Мы вельмі высока цэнім тыя намаганні, якія прыкладае Украіна і тую рашучасць, з якой Украіна рухаецца», ‒ сказала Урсула фон дэр Ляен.
Але Кіеву высунуць умовы, звязаныя з вяршэнствам закона і антыкарупцыйным заканадаўствам.
«Вы шмат зрабілі для забеспячэння вяршэнства права, неабходна таксама яшчэ дадаткова ўзмацніць заканадаўства, якое тычыцца барацьбы з карупцыяй і забяспечыць яшчэ лепшае функцыянаванне адміністрацыі, каб стварыць патрэбныя ўмовы для барацьбы з карупцыяй, забеспячэння належнай працы бізнэсу. І гэта ўсё добрыя вынікі, якія неабходна ўзмацніць», ‒ заявіла кіраўнік ЕК.
Некаторыя краіны-члены ЕС супраць прадастаўлення Украіне гэтага статусу, прычым сярод іх называліся і краіны, горача і актыўна дапамагаюць Украіне ў яе супрацьстаянні расійскай агрэсіі. Bloomberg пісаў, што Германія схіляецца да таго, каб даць умоўны статус кандыдата.
Цяпер чытаюць
«У Віцебску заходзіў у тралейбус і казаў «Слава Украіне!». Украінца ў 67 гадоў пасадзілі за каменты, напісаныя пасля гібелі хроснай дачкі пад абстрэлам у Кіеве7
Каментары